អង្គជំនុំជម្រះសាលាដំបូងបានចាត់ចំណាត់ថ្នាក់ម្តងទៀត នូវរបាយការណ៍សុខភាពរបស់លោកស្រី អៀង ធីរិទ្ធ ដើម្បីឲ្យសាធារណជនទទួលបានព័ត៌មានលម្អិតច្បាស់ជាងមុនពាក់ព័ន្ធនឹងការវិនិច្ឆ័យរបស់អ្នកជំនាញសុខភាព ទៅលើជំងឺវង្វេងវង្វាន់ (អាចជាជំងឺបាត់ការចងចាំ) របស់លោកស្រី អៀង ធីរិទ្ធ។ យោងតាមកឋាខ័ណ្ឌទី៣ នៃរបាយការណ៍របស់អ្នកជំនាញថ្ងៃទី២៩ ខែសីហា ឆ្នាំ២០១២ អង្គជំនុំជម្រះសាលាដំបូងបានប្រឹក្សាជាមួយអ្នកជំនាញវេជ្ជសាស្រ្តបីរូបដែលតែងតាំងដោយតុលាការ មុននឹងចាត់ចំណាត់ថ្នាក់សាជាថ្មីនូវឯកសារនេះ។ អង្គជំនុំជម្រះសាលាដំបូងបានចាត់ចំណាត់ថ្នាក់របាយការណ៍នេះសាជាថ្មី បន្ទាប់ពីកិច្ចពិភាក្សាដេញដោលយ៉ាងល្អិតល្អន់នៅក្នុងសវនាការលើកាយសម្បទានិងបញ្ញាស្មារតីរបស់លោកស្រី អៀង ធីរិទ្ធ ក្នុងការចូលរួមការជំនុំជម្រះ ដែលប្រព្រឹត្តទៅកាលពីខែសីហា ឆ្នាំ២០១២។
របាយការណ៍ទាំងនោះមាន៖
របាយការណ៍សង្ខេបរបស់អ្នកជំនាញពាក់ព័ន្ធនឹងលោកស្រី អៀង ធីរិទ្ធ
(កាលបរិច្ឆេទៈ ២៩ សីហា ២០១២)
(កាលបរិច្ឆេទៈ ២៤ កុម្ភៈ ២០១២)
(កាលបរិច្ឆេទៈ ៩ តុលា ២០១១)