ចាប់ពីថ្ងៃទី១៥ ដល់ថ្ងៃទី២២ ខែកុម្ភៈ ឆ្នាំ២០២២ អង្គភាពបណ្ណសារនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានបើកវគ្គបណ្តុះបណ្តាលស្តីពីការគ្រប់គ្រងបណ្ណសារជាមួយស្ថាប័នជាតិនានា។ ក្នុងរយៈពេលប្រាំមួយថ្ងៃនៃវគ្គបណ្តុះបណ្តាលខាងលើ បុគ្គលិកអង្គភាពបណ្ណសារមកពីបណ្ណសារដ្ឋានជាតិកម្ពុជា និង មជ្ឈមណ្ឌលតម្កល់ឯកសារច្បាប់ពាក់ព័ន្ធនឹង អ.វ.ត.ក បានចូលរួមចំណែកនៅក្នុងម៉ូឌុល ដែលតាក់តែង ដោយក្រុមប្រឹក្សាបណ្ណសារអន្តរជាតិ និង ចូលរួមសិក្ខាសាលាដែលរៀបចំឡើងសំដៅដោះស្រាយបញ្ហានៃគ្រប់គ្រងបណ្ណសារដែលប៉ះពាល់ដល់ស្ថាប័ននានារបស់កម្ពុជា។
នេះគឺជាការបណ្តុះបណ្តាលលើកទីមួយនៅក្នុងព្រះរាជាណាចក្រកម្ពុជា ដែលមានការសម្របសម្រួល ដោយប្រធានអង្គភាពបណ្ណសារគឺលោកស្រី JIMENEZ SANCHEZ។ អ្នកចូលរួមទទួលបានផលប្រ យោជន៍ពីវគ្គបណ្តុះបណ្តាលលើអភិបាលកិច្ចល្អ និងវិធីសាស្ត្រដែលទទួលស្គាល់ជាអន្តរជាតិក្នុងការគាំទ្រការរៀបចំ និងការអនុវត្តដំណើរការរក្សាបណ្ណសារ។ អ្នកចូលរួមទាំងអស់ទទួលបានការទទួលស្គាល់ពីក្រុមប្រឹក្សាបណ្ណសារអន្តរជាតិ។
ឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទីនៃ អ.វ.ត.ក បានជួបជាមួយអ្នកចូលរួម និងបានអបអរសាទរចំពោះការប្តេជ្ញាចិត្តរបស់អ្នកចូលរួម ក្នុងការអភិវឌ្ឍសមត្ថភាពនៅក្នុងវិស័យគ្រប់គ្រងបណ្ណសារនៅកម្ពុជា។ ជាមួយគ្នានេះដែរ លោកស្រី កែវ សូនី ប្រធានបណ្ណសារដ្ឋានជាតិ និងលោក ស៊ាង សុភ័ក្ត្រ អនុប្រធានបណ្ណសារនៃមជ្ឈមណ្ឌលតម្កល់ឯកសារច្បាប់ពាក់ព័ន្ធនឹង អ.វ.ត.ក បានសម្តែងការដឹងគុណចំពោះ អ.វ.ត.ក ដែលបានរៀបចំវគ្គបណ្តុះបណ្តាលនេះ និង បានសង្កត់ធ្ងន់អំពីផលវិជ្ជមានសម្រាប់ស្ថាប័នរបស់អ្នកចូលរួមទាំងអស់ ក្នុងដំណើរឆ្ពោះទៅមុខ៕