លោកចៅក្រម យូ ឧត្តរា
Photo
លោកចៅក្រម យូ ឧត្តរា (កម្ពុជា) បានបញ្ចប់ការសិក្សាថ្នាក់អនុបណ្ឌិតច្បាប់នៅសាកលវិទ្យាល័យជាតិកាហ្សាក់ស្ថាន (Kazakhstan) នៅឆ្នាំ១៩៩៥។ លោកបានបម្រើការងារជាមន្ដ្រីរាជការនៅនាយកដ្ឋានកិច្ចការព្រហ្មទណ្ឌ និងរដ្ឋប្បវេណីពីឆ្នាំ ១៩៩៥-១៩៩៦ ជាប្រធានការិយាល័យសហប្រតិបត្តិការអាស៊ាន និងអន្ដរជាតិពីឆ្នាំ១៩៩៦-២០០១ ជាចៅក្រម និងជាប្រធាននាយកដ្ឋានកិច្ចការអន្តរជាតិឆ្នាំ២០០១-២០០២។ ចាប់តាំងពីឆ្នាំ២០០២ មក លោកបានបម្រើការងារជាចៅក្រមនៅតុលាការកំពូល។ លោកបានស្រាវជ្រាវផ្នែកច្បាប់ជាតិ និងអន្ដរជាតិ និងបានចូលរួមក្នុងនាមជាសិក្ខាកាម និងជាគ្រូឧទ្ទេសនាមក្នុងវគ្គបណ្ដុះបណ្ដាលជាច្រើនអំពីច្បាប់។ លោកក៏ជាគ្រូបណ្ដុះបណ្ដាលច្បាប់នៅសាលាភូមិន្ទចៅក្រមផងដែរ។ លោកចេះនិយាយភាសាអង់គ្លេស និងភាសារុស្ស៊ី ។
- សញ្ជាតិ : កម្ពុជា
- ការិយាល័យ : អង្គជំនុំជម្រះសាលាដំបូង,
- តួនាទី : ចៅក្រម