លោក មាស សឿន

លោក មាស សឿន កើតនៅឆ្នាំ ១៩៥២ នៅភូមិព្នៅ ឃុំរំចេក ស្រុកមេមត់ ខេត្តត្បូងឃ្មុំ ហើយរស់នៅជាមួយប្រពន្ធកូននៅភូមិតាខ្មៅ ឃុំតាខ្មៅ ស្រុកតាខ្មៅ ខេត្តកណ្តាល។ គាត់ធ្វើការនៅក្នុងគណៈកម្មាធិការខេត្តកណ្តាល។

គាត់បានផ្តល់សក្ខីកម្មក្នុងសំណុំរឿង ០០២/០២។ លោក មាស បានបញ្ជាក់ថា គាត់បានចូលរួមបដិវត្តន៍ដោយមិនដឹងខ្លួន ដោយរត់ចេញពីភូមិរបស់គាត់ចូលព្រៃក្នុងឆ្នាំ ១៩៦៨។ គាត់បានរត់គេចខ្លួនរហូតដល់ខែមីនា ឆ្នាំ ១៩៧០ បន្ទាប់មកគាត់ធ្វើជាអ្នកបើកបរអោយឪពុករបស់គាត់ឈ្មោះ មាស សេងហុង ហៅ ចាន់ ដែលចន្លោះពីឆ្នាំ ១៩៧០ ដល់ ១៩៧៥ គឺ នាយករងបន្ទាប់មកជាប្រធានតំបន់ ២១ បន្ទាប់មកក្លាយជាអនុប្រធានភូមិភាគបូព៌ា។ លោក មាស បានចូលជាសមាជិកបក្សកុំម្មុយនីស្តកម្ពុជាក្នុងឆ្នាំ ១៩៧៤។ គាត់បានរៀបការនៅចុងឆ្នាំ ១៩៧៦ ។ ក្រោយឆ្នាំ ១៩៧៥ គាត់បានចូលរៀនវគ្គបណ្តុះបណ្តាលបច្ចេកទេស ហើយបានក្លាយជាអនុប្រធានរោងចក្រដែកនៅតំបន់បូព៌ា ហើយមិនបានឃើញឪពុកគាត់ទៀតទេ។ ជារឿយៗគាត់បានធ្វើដំណើររវាងការិយាល័យពាណិជ្ជកម្មនៅទីក្រុងភ្នំពេញ និងរោងចក្ររបស់គាត់ដើម្បីដឹកជញ្ជូនសម្ភារៈ។ បើតាមលោក មាស កម្មាភិបាលភូមិភាគបូព៌ាទាំងអស់ រួមទាំងប្រធានភូមិភាគបូព៌ា គឺលោក សោ ភីម ត្រូវបានបោសសម្អាតនៅខែឧសភា ឆ្នាំ១៩៧៨។ ពួកគេត្រូវបានចោទប្រកាន់ពីបទក្បត់ជាតិ និងឃុបឃិតជាមួយជនជាតិវៀតណាម។ ក្នុងអំឡុងពេលធ្វើសក្ខីកម្មរបស់គាត់ គាត់បានប្រាប់ឈ្មោះពួកគេមួយចំនួន។ គាត់បានពន្យល់ថា នៅពេលដែលប្រធានមួយរូបត្រូវបានក្លែងបន្លំ "បញ្ជូនឱ្យទៅសិក្សា" នោះអ្នកក្រោមបង្គាប់របស់គាត់ទាំងអស់ក៏ដូចគ្នាដែរ។ ឪពុករបស់លោករក្សាតំណែង ប៉ុន្តែបានទៅភ្នំពេញ ហើយបាត់ខ្លួនប៉ុន្មានខែមុនខែមករា ឆ្នាំ១៩៧៩។ លោក មាស បញ្ជាក់ថា នៅពេលនោះ រោងចក្ររបស់លោកបានទទួលសំបុត្រពីលោក ភីម ណែនាំឲ្យទប់ទល់នឹងការចាប់ខ្លួន។ លោកថា ភីម ជឿថា សុន សេន ធ្វើផែនការប្រឆាំង ប៉ុល ពត និង នួន ជា។ លោក មាស ក៏បានប្រកាសថា មានការចាប់ខ្លួនខ្លះមុនឆ្នាំ ១៩៧៨ ក្នុងអង្គភាពរបស់លោក។ គាត់បានរំឭកបុគ្គលិកវៀតណាមម្នាក់ក្នុងរោងចក្ររបស់គាត់ដែលត្រូវបានចាប់ខ្លួន។

លោកក៏បានពន្យល់ថា ជនជាតិចាមនៅតំបន់បូព៌ាត្រូវបានផ្លាស់ប្តូរទីលំនៅ និងព្យាយាមបះបោរ។ យោងតាមគាត់ កងកម្លាំងតំបន់បូព៌ាបានវាយបកប្រឆាំងនឹងមជ្ឈឺមនៅឆ្នាំ ១៩៧៨ ។