លោក ម៉ើ ពៅ

លោក ម៉ើ ពៅ ជា​កសិករ​អាយុ ៥៥ ឆ្នាំ​មក​ពី​ស្រុក​បាកាន ខេត្ត​ពោធិ៍សាត់ និង​ជា​ជនជាតិ​ចាម។ ក្នុងនាមជាដើមបណ្តឹងរដ្ឋប្បវេណី គាត់បានផ្តល់សក្ខីកម្មក្នុងអំឡុងពេលនៃផ្នែកមួយដែលដើមបណ្តឹងរដ្ឋប្បវេណីត្រូវបានកោះហៅមកផ្តល់សក្ខីកម្មអំពីព្យសនកម្មដែលពួកគេបានទទួលរងទាក់ទងនឹងការប្រព្រឹត្តិលើក្រុមគោលដៅដែលត្រូវបានចោទប្រកាន់ ដូចជា ចាម វៀតណាម និងអតីតមន្ត្រី លន់ នល់។ ក្នុងអំឡុងពេលផ្តល់សក្ខីកម្មនៅចំពោះមុខអង្គជំនុំជម្រះ គាត់បានរាយការណ៍ថា គាត់ត្រូវបានគេបង្ខំឱ្យចាកចេញពីភូមិកំណើតរបស់គាត់ ហើយដាក់ដាច់ដោយឡែកពីសមាជិកគ្រួសារ និងសាច់ញាតិរបស់គាត់ នៅពេលដែលខ្មែរក្រហមចូលកាន់កាប់តំបន់របស់គាត់។ លោក ម៉ើ ពៅបានសង្កត់ធ្ងន់ថា ជីវិតដ៏វេទនានៅក្រោមរបបកម្ពុជាប្រជាធិបតេយ្យ ដោយពន្យល់ពីរបៀបដែលជនជាតិចាមមិនត្រូវបានអនុញ្ញាតឱ្យកាន់សាសនារបស់ពួកគេទៀតទេ ហើយត្រូវបានបង្ខំឱ្យបរិភោគសាច់ជ្រូក ដែលជាហេតុធ្វើឱ្យឪពុករបស់គាត់ស្លាប់ ដែលប្រកាន់ខ្ជាប់នូវសាសនាយ៉ាងខ្ចប់ខ្ខួន ហើយមិនព្រម ធ្វើតាមបញ្ជារបស់អង្គការ។ លោក ម៉ើ បានផ្តល់សក្ខីកម្មថា ពេញមួយសម័យកាល កម្ពុជាប្រជាធិបតេយ្យ គាត់បានបាត់បង់សមាជិកគ្រួសារ និងសាច់ញាតិសរុបចំនួន ១៧ នាក់ រួមទាំងឪពុក ពូ និងក្មួយប្រុស និងក្មួយៗជាច្រើននាក់។ គាត់បាននិយាយថា គាត់ត្រូវបានចាប់ខ្លួននៅឆ្នាំ ១៩៧៧ បន្ទាប់មកត្រូវបានឃុំខ្លួននៅមន្ទីរឃុំឃាំងត្រាក្រោល ជាកន្លែងដែលគាត់ត្រូវបានគេបង្ខំឱ្យមើលការសម្លាប់ស្ត្រីយ៉ាងឃោរឃៅ ដែលត្រូវដោះសម្លៀកបំពាក់របស់គាត់មុនពេលកាត់។

• Witness acronym :
  2-TCCP-1013
• Age at the time of testimony :
• Appeared as :
  Civil Party
• សំណុំរឿង : សំណុំរឿង ០០២,  សំណុំរឿង ០០២/០២, 
• Date(s) of testimony :
  29 កុម្ភៈ 2016