ប៊ុន ឡឹងចូយ ហៅ ចាន់ ប៊ុនលឺត
2-TCW-838 លោក ប៊ុន កើតនៅកោះម៉ាយឿ ឃុំពាមជីមិត្ត ស្រុកកោះញែក ខេត្តមណ្ឌលគិរី នៅថ្ងៃទី ២២ ខែ មីនា ឆ្នាំ ១៩៥៣ ។ លោកត្រូវបានកោះហៅទៅផ្តល់សក្ខីកម្មនៅចំពោះមុខអង្គជំនុំជម្រះសាលាដំបូង អំពីមន្ទីរសន្តិសុខភ្នំក្រោល។ សាក្សីបានក្លាយជាយុទ្ធជននៅឆ្នាំ ១៩៦៨ ប៉ុន្តែមិនបានចូលរួមជាមួយបក្សកុម្មុយនិស្តកម្ពុជារហូតដល់ឆ្នាំ ១៩៧៥។ នៅឆ្នាំដដែលនោះ គាត់ត្រូវបានគេជ្រើសរើសឱ្យក្លាយជាសមាជិកនៃសម្ព័ន្ធយុវជន ហើយត្រូវបានតែងតាំងជាប្រធានក្រុមដែលមានសមាជិកប្រាំឬប្រាំមួយនាក់។ លោក ប៊ុន បានរំឮកពីដំណើរទស្សនៈកិច្ចរបស់ ខៀវ សំផន មកកាន់តំបន់របស់គាត់ក្នុងឆ្នាំ ១៩៧៤។ គាត់គ្រាន់តែឃើញរថយន្តរបស់គណៈប្រតិភូប៉ុណ្ណោះ។ បើតាមសាក្សីបានឲ្យដឹងថា ទំនប់អូរបឹងក្រោម និងអូរបឹងលើ ត្រូវបានសាងសង់ក្នុងពេលតែមួយ ពីឆ្នាំ១៩៧៤ ដល់ឆ្នាំ១៩៧៧។នៅឆ្នាំ១៩៧៥ គាត់ត្រូវបានតែងតាំងជាអង្គរក្សឲ្យលោក កា ស៊ី ជាលេខាធិការស្រុកកែវសីមា ប្រមាណ២ឆ្នាំ រហូតដល់ការចាប់ខ្លួនលេខា នៅឆ្នាំ ១៩៧៧ លោក ប៊ុន បាននិយាយថា គាត់ត្រូវបានបញ្ជូនជាមួយ កា ស៊ី ទៅកាន់មន្ទីរសន្តិសុខនៃការិយាល័យភ្នំក្រោល ក-១១ ប្រហែលមួយខែ មុនពេលលេខាធិការស្រុកត្រូវបានសម្លាប់។ បន្ទាប់ពីការស្លាប់របស់ កា ស៊ី បុរស ១៨ នាក់មកពីបណ្តាញរបស់គាត់បានរត់ទៅប្រទេសវៀតណាមហើយសាច់ញាតិរបស់អ្នករត់គេចខ្លួនត្រូវបានចាប់ខ្លួននៅថ្ងៃបន្ទាប់។ លោក ប៊ុន ត្រូវបានចាត់តាំងឱ្យទៅការិយាល័យ ក-១៦ ឡើងវិញរយៈពេល ៣ ខែ ហើយក្រោយមកបានទៅកន្លែងការងារ រ៉ូយ៉ា ក្រោមការគ្រប់គ្រងរបស់ ក-១៧ ។ ពូរបស់គាត់ក៏ធ្វើការនៅ ក-១៦ ប៉ុន្តែត្រូវបានចាប់ខ្លួនបន្ទាប់ពីសាក្សីត្រូវបានបញ្ជូនទៅ ក-១៧ ។ លោក ប៊ុន បានរៀបរាប់ពីអ្វីដែលលោកបានដឹងអំពីរចនាសម្ព័ន្ធ និងការគ្រប់គ្រងនៅថ្នាក់ក-១៦ និងក-១៧។ លោកបានធ្លាក់ខ្លួនឈឺ ហើយបានសម្រាកព្យាបាលនៅមន្ទីរពេទ្យក្នុងខែធ្នូ ឆ្នាំ១៩៧៨ រហូតដល់ថ្ងៃរំដោះ ៧ មករា ១៩៧៩។
- ឈ្មោះហៅក្រៅ :
លោក ចាន់ ប៊ុន លីត
- Witness acronym :
2-TCW-838
- Age at the time of testimony :
- Appeared as :
- សំណុំរឿង : សំណុំរឿង ០០២, សំណុំរឿង ០០២/០២,
- Date(s) of testimony :