សៅ សារុន
សាក្សីជាលេខាធិការគណៈបក្សកម្មុយនីសកម្ពុជា ស្រុកពេជ្រចិន្តា ខេត្តមណ្ឌលគិរី ពីឆ្នាំ ១៩៧២ ដល់ ១៩៧៧ ហើយត្រូវបានតែងតាំងជាលេខាតំបន់ ១០៥ នៅចុងឆ្នាំ ១៩៧៧។ គាត់បានចូលរួមកិច្ចប្រជុំនៅខែឧសភា ឆ្នាំ ១៩៧៥ ដែលប៉ុល ពត និង នួន ជា បានណែនាំ ភូមិភាគ តំបន់ ស្រុក និង មេដឹកនាំផ្នែកយោធាលើគោលនយោបាយ គណៈបក្សកម្មុយនីសកម្ពុជា ដែលពួកគេត្រូវអនុវត្តរួមទាំងការបិទវត្តទាំងអស់ និងការរៀបចំសហករណ៍។ លោកក៏បានចូលរួមក្នុងវគ្គអប់រំនយោបាយ ដែលធ្វើឡើងដោយ នួន ជា និងថ្នាក់ដឹកនាំជាន់ខ្ពស់ដទៃទៀត។ ក្នុងនាមជាលេខាធិការតំបន់ទី១០៥ សាក្សីជាអ្នកទទួលខុសត្រូវលើភ្នំក្រោល និងការិយាល័យសន្តិសុខតំបន់ផ្សេងទៀត ហើយរាយការណ៍ដោយផ្ទាល់ទៅគណៈកម្មាធិការអចិន្ត្រៃយ៍អំពីបញ្ហាសន្តិសុខ និងស្ថានភាបឌក្នុងតំបន់នោះ។ គាត់ផ្ទៀងផ្ទាត់ និងពិភាក្សាទូរលេខដែលគាត់បានផ្ញើទៅការិយាល័យ ៨៧០ ហើយបញ្ជាក់ថា ប៉ុល ពត ឬ នួន ជា នឹងឆ្លើយតបតាមទូរលេខរបស់គាត់ និងផ្តល់ការណែនាំ។
គាត់រៀបរាប់ពីរបៀបដែលគាត់ និងកម្មាភិបាលតំបន់ ១០៥ ផ្សេងទៀត (រួមទាំងមេបញ្ជាការយោធាទទួលបន្ទុកភ្នំក្រោល) បានធ្វើដំណើរមកទីក្រុងភ្នំពេញក្នុងឱកាសជាច្រើនដើម្បីជួបជាមួយ ប៉ុល ពត នួន ជា សុន សេន និងខៀវ សំផន និងរាយការណ៍ពីសកម្មភាពតាមតំបន់់នោះ។ (ក្នុងអំឡុងពេលធ្វើដំណើរទាំងនោះ កម្មាភិបាលផ្នែកខ្លះដែលមកជាមួយសាក្សីត្រូវបានចាប់ខ្លួន ហើយបញ្ជូនទៅស-២១។ សាក្សីពិពណ៌នាអំពីការណែនាំដែលគាត់បានទទួលពីមេដឹកនាំជាន់ខ្ពស់នៃ CPK រួមទាំងការណែនាំពី ប៉ុល ពត ឱ្យធ្វើអាពាហ៍ពិពាហ៍ទ្រង់ទ្រាយធំ និងគោលនយោបាយថ្មីស្តីពីការចាប់ខ្លួន និងសត្រូវ ដែលបានបង្ហាញនៅក្នុងខែកញ្ញា ឆ្នាំ ១៩៧៨ ។ គាត់ទទួលស្គាល់ថាគាត់ត្រូវបានជូនដំណឹងដោយមជ្ឈឺមបក្សនៃកម្មាភិបាលមូលដ្ឋានដែលជាប់ពាក់ព័ន្ធក្នុងចម្លើយសារភាពរបស់ ស-២១ ថាការចាប់ខ្លួនត្រូវបានបញ្ជាដោយមជ្ឈឺម ហើយថាគាត់ត្រូវការការយល់ព្រមពីមជ្ឈឺមដើម្បីដោះលែងអ្នកទោសដែលត្រូវបានចោទប្រកាន់ពីបទឧក្រិដ្ឋនយោបាយ ដូចជាក្បត់បក្ស ឬ ចូលដៃជាមួយវៀតណាម។
- Witness acronym :
2-TCW-1012
- Age at the time of testimony :
- Appeared as :
- សំណុំរឿង : សំណុំរឿង ០០២, សំណុំរឿង ០០២/០២,
- Date(s) of testimony :