Case 002 Witnesses, experts and Civil Parties
Witnesses, experts and Civil Parties who have appeared in Case 002. Click on photo for larger version.
|
Francois Bizot | Francois Bizot អាយុ 69 ឆ្នាំ សាស្រ្តាចារ្យនៃសាលាបារាំងសម្រាប់ការសិក្សាទិសបូព៌ា ត្រូវបានគេហៅធ្វើជាសាក្សី ដើម្បីផ្តល់សក្ខីកម្មអំពី ម-១៣។ ពេលចុះស្រាវជ្រាវអំពីព្រះពុទ្ធសាសនាខ្មែរនៅឧដុង្គក្នុងខែតុលា ឆ្នាំ១៩៧១ លោក Bizot និងសហសេវិកខ្មែរពីរនាក់គឺ កម ហុកលី និងគង់ ស៊ុន ត្រូវបានទាហានខ្មែរក្រហមចាប់ខ្លួន ហើយផ្ទេរទៅ ម-១៣ ។ នៅទីនោះគាត់ត្រូវបានឃុំខ្លួននៅក្នុងកន្លែងស្តុកឬស្សីមួយ ក្រៅពីអ្នកជាប់ឃុំប្រហែលហាសិបនាក់ផ្សេងទៀត ដែលភាគច្រើនជាកសិករមកពីតំបន់គ្រប់គ្រងដោយខ្មែរក្រហម ដែលត្រូវបានដាក់ខ្នោះនៅក្នុងខ្ទមចំនួនបី។ Francois ត្រូវបានចោទប្រកាន់ថាជាភ្នាក់ងារ CIA ហើយត្រូវបានសួរចម្លើយជារៀងរាល់ថ្ងៃដោយជនជាប់ចោទផ្ទាល់។ គាត់ត្រូវបានដោះលែងអោយមានសេរីភាពនៅថ្ងៃទី ២៥ ខែធ្នូ ឆ្នាំ ១៩៧១ ប៉ុន្តែសហសេវិកពីរនាក់របស់គាត់នៅតែនៅ ម-១៣ ហើយក្រោយមកត្រូវបានគេប្រហារជីវិត។ ក្នុងនាមជាសាក្សី លោក Francois Bizot បានរៀបរាប់អំពីលក្ខខណ្ឌឃុំខ្លួននៅ ម-១៣។ គាត់បានរៀបរាប់ពីរបៀបដែលជនជាប់ចោទបានសារភាពថាបានវាយអ្នកជាប់ឃុំដោយសារគេរំពឹងថាគឺគាត់ជាអ្នកទទួលខុសត្រូវ ទោះបីគាត់មិនចង់ធ្វើក៏ដោយ។ លោកបានប្រាប់អង្គជំនុំជម្រះថា ជនជាប់ចោទមានកេរ្តិ៍ឈ្មោះក្នុងភាពឧស្សាហ៍ព្យាយាម និង ការលះបង់។ បើតាមគាត់ ការងាររបស់ជនជាប់ចោទសំខាន់គឺការពង្រាងរបាយការណ៍អំពីអ្នកទោសដែលបញ្ជូនទៅគាត់ដើម្បីប្រហារជីវិត។ |
ប្រតិចារិកនៃសវនាការលើអង្គហេតុក្នុងសំណុំរឿង ០០១ - ០៨ មេសា ២០០៩, ប្រតិចារិកនៃសវនាការលើអង្គហេតុក្នុងសំណុំរឿង ០០១ - ០៩ មេសា ២០០៩ |