អង្គភាពគាំពារការពារក្តីនៃអង្គជំនុំជម្រះវិសាមញ្ញក្នុងតុលាការកម្ពុជា (“អ.វ.ត.ក”) បានចាត់តាំងលោក John R.W.D. Jones ជនជាតិអង់គ្លេស ជាសហមេធាវីអន្តរជាតិ ដើម្បីតំណាងជនសង្ស័យម្នាក់ក្នុងដីកាសន្និដ្ឋានបញ្ជូនរឿងឲ្យស៊ើបសួរលើកទីបី ដែលសហព្រះរាជអាជ្ញាអន្តរជាតិបានដាក់ជូនការិយាល័យសហចៅក្រមស៊ើបអង្កេត កាលពីថ្ងៃទី ០៧ ខែ កញ្ញា ឆ្នាំ ២០០៩។ ដីកាសន្និដ្ឋានបញ្ជូនរឿងឲ្យស៊ើបសួរលើកទីបី គឺជាផ្នែកមួយនៃសំណុំរឿង ០០៤។ អត្តសញ្ញាណនៃជនសង្ស័យណាម្នាក់ដែលមានឈ្មោះនៅក្នុងដីកាសន្និដ្ឋានបញ្ជូនរឿងឲ្យស៊ើបសួរលើកទីបីនេះ នៅតែរក្សាការសម្ងាត់ដដែល។
លោកគឺជាមេធាវីការពារក្តីដែលមានការិយាល័យនៅទីក្រុងឡុងដ៏ ជំនាញខាងឧក្រិដ្ឋកម្មសង្រ្គាម ការប្រឆាំងភេរវកម្ម និងបញ្ហាការធ្វើបត្យាប័ន។ លោកត្រូវបានទទួលការអនុញ្ញាតឲ្យអនុវត្តវិជ្ជាជីវៈច្បាប់នៅចំពោះមុខតុលាការនៅប្រទេសអង់គ្លេសនិងវែលស៍ ខណ្ឌកូឡំប៊ីនៃសហរដ្ឋអាមេរិក និង នៅព្រះរាជាណាចក្រកម្ពុជា ។ លោកបានការពារក្តីក្នុងសំណុំរឿងឧក្រិដ្ឋកម្មសង្គ្រាម៥ផ្សេងៗគ្នា ( ករណី Mehmed Alagic, Naser Oric, Momcilo Krajisnik, Rasim Delic និងករណី Mladen Markac)។ លោកបានធ្វើការនៅសាលាក្តី និងតុលាការព្រហ្មទណ្ឌអន្តរជាតិសំខាន់ៗរួមមាន តុលាការព្រហ្មទណ្ឌអន្តរជាតិ សម្រាប់អតីតយូហ្គោស្លាវី តុលាការព្រហ្មទណ្ឌអន្តរជាតិសម្រាប់ប្រទេសរវ៉ាន់ដា តុលាការពិសេសសម្រាប់ប្រទេស សៀរ៉ាឡេអូន តុលាការពិសេសសម្រាប់ប្រទេសលីបង់ និង តុលាការព្រហ្មទណ្ឌអន្តរជាតិ ។ បច្ចុប្បន្ននេះ លោកការពារកូនក្តីឈ្មោះ Saif Gaddafi នៅតុលាការព្រហ្មទណ្ឌអន្តរជាតិ។ លោកបានបោះពុម្ពផ្សាយសៀវភៅជាច្រើនក្បាល និងធ្វើបទបង្ហាញយ៉ាងច្រើនអំពីច្បាប់ឧក្រិដ្ឋកម្មសង្គ្រាម ព្រមទាំងជាសហនិពន្ធសៀវភៅដែលមានចំណងជើងថា “ទម្លាប់អនុវត្តច្បាប់ព្រហ្មទណ្ឌអន្តរជាតិ” ។ លោកបានផ្តល់ប្រឹក្សាដល់អាជ្ញាធររដ្ឋាភិបាល និងអង្គការអន្តរជាតិនានាអំពីបញ្ហាទាំងឡាយពាក់ព័ន្ធនឹងឧក្រិដ្ឋកម្មសង្គ្រាម ហើយថែមទាំងបានបង្រៀននីតិព្រហ្មទណ្ឌអន្តរជាតិនៅមហាវិទ្យាល័យ London School of Economics ទៀតផង។
លោក John R.W.D. Jones នឹងធ្វើការជាមួយលោក ប៊ិត ស៊ាងលីម ដែលត្រូវបានចាត់តាំងជាសហមេធាវី ជាតិតំណាងឲ្យជនសង្ស័យដូចគ្នានេះ។ មុននឹងធ្វើការចាត់តាំងទាំងនេះ អង្គភាពគាំពារការការពារក្តី បានពិចារណាដោយផ្អែកលើការចង់បានរបស់ជនសង្ស័យ និងរាល់ការលះបង់សិទ្ធិទាំងអស់ពាក់ព័ន្ធនឹងទំនាស់ផលប្រយោជន៍ ។
លោក JOHN R.W.D. JONES ត្រូវបានចាត់តាំងជាសហមេធាវីការពារក្តីអន្តរជាតិ ដើម្បីតំណាងជនសង្ស័យម្នាក់នៅក្នុងសំណុំរឿង ០០៤
Most read
- បុគ្គលិក អ.វ.ត.ក ចូលរួមបកប្រែសាលដីកាទាក់ទងសំណុំរឿងព្រះវិហារដល់ពលរដ្ឋខ្មែរ
នៅពេលដែលតុលាការយុត្តិធម៌អន្តរជាតិ (ICJ) ប្រកាសសេចក្តីសម្រេចរបស់ខ្លួនទាក់ទងនឹងសំណុំរឿងប្រាសាទព្រះវិហារនៅទីក្រុងឡាអេ កាលពីថ្ងៃច័ន្ទ ទី១២ ខែវិច្ឆិកា ឆ្នាំ ២០១៣ អ្នកបកប្រែភាសា ៤រូបមកពីអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ក៏បានបកប្រែ…
- វីដេអូឯកសារទាក់ទងនឹងសំណុំរឿង ០០២/០១
ឯកសារវីដេអូថ្មីរយៈពេល ២៥ នាទីបានផលិតឡើងដោយផ្នែកកិច្ចការសាធារណៈជាបណ្តុំនៃសម្រង់ផ្សេងៗចេញពីការជំនុំជម្រះក្តីលើសំណុំរឿង ០០២/០១ ប្រឆាំងនឹងជនជាប់ចោទ ខៀវ សំផន និងនួន ជា។
- សហព្រះរាជអាជ្ញាស្នើឲ្យផ្តន្ទាទោសដាក់ពន្ធនាគារមួយជីវិតចំពោះជនជាប់ចោទ ខៀវ សំផន និងនួន ជា
នៅពេលបញ្ចប់ការធ្វើសេចក្តីសន្និដ្ឋានបញ្ចប់របស់ខ្លួន ថ្ងៃទី២១ ខែតុលា ឆ្នាំ ២០១៣ សហព្រះរាជអជ្ញាជាតិ លោកជំទាវ ជា លាង បានស្នើសុំអង្គជំនុំជម្រះសាលាដំបូង ដាក់ទោសទណ្ឌចំពោះជនជាប់ចោទ ខៀវ សំផន និង នួន ជា ចំពោះការចោទប្រកាន់ពីឧក្រិដ្ឋកម្មប្រឆាំងនឹងមនុស្សជាតិ…
- សហព្រះរាជអាជ្ញាស្នើសុំឲ្យមានការដាក់ទណ្ឌកម្មលើក្រុមមេធាវីការពារក្តីជនជាប់ចោទ ខៀវ សំផន
នៅក្នុងអំឡុងពេលសវនាការនៅថ្ងៃទី១៨ ខែកក្កដា ឆ្នាំ ២០១៣ តំណាងសហព្រះរាជអាជ្ញាបានស្នើសុំអង្គជំនុំជម្រះសាលដំបូងដាក់ទណ្ឌកម្មលើក្រុមមេធាវីការពារក្តីឲ្យ ជនជាប់ចោទ ខៀវ សំផន ចំពោះការបង្ហាញដែលពួកគេបានធ្វើឡើងនៅក្នុងលិខិតជូនការីនិពន្ធចុះផ្សាយនៅក្នុងកាសែត ភ្នំពេញ…