គម្រោងថវិកាកែសម្រួលថ្មីសម្រាប់ឆ្នាំ ២០១២-១៣ របស់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានអនុម័តដោយក្រុមប្រទេសផ្តល់ជំនួយសំខាន់ៗ ហើយក៏បានផ្សព្វផ្សាយនៅលើគេហទំព័ររបស់ អ.វ.ត.ក រួចហើយ។
ក្នុងគម្រោងថវិកាកែសម្រួលនេះ អ.វ.ត.ក បានកាត់បន្ថយថវិកាសម្រាប់ឆ្នាំ ២០១២-១៣ ចំនួន ១៥,១ លាន ដុល្លារអាមេរិក ហើយថវិកាសរុបនៅក្នុងគម្រោងដែលបានកែសម្រួលរួចហើយ គឺ ៦៩,៦ លាន ដុល្លារ អាមេរិក (តួលេខនេះមិនរួមបញ្ចូលកញ្ចប់ថវិកាសម្រាប់ករណីបន្ទាន់នោះទេ) និងត្រូវបានបែងចែកដូចខាងក្រោម៖
| ២០១២ | ២០១៣ |
ភាគីជាតិ | US$ ៩.២៤០.៥០០ | US$ ៩.៣៧០.៣០០ |
ភាគីអន្តរជាតិ | US$ ២៥.០១១.៧០០ | US$ ២៦.០០៥.១០០ |
សរុប | US$ ៣៤.២៥២.២០០ | US$ ៣៥.៣៧៥.៤០០ |
ឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទីនៃ អ.វ.ត.ក បានថ្លែងថា៖ “ខ្ញុំសូមស្វាគមន៍ចំពោះការអនុម័តលើគម្រោងថវិកាកែសម្រួលថ្មី និងទទូចដល់សហគមន៍ម្ចាស់ជំនួយអន្តរជាតិ ឲ្យផ្តល់ជំនួយជាចាំបាច់ដល់ អ.វ.ត.ក ដោយសារភាគីជាតិនៃ អ.វ.ត.ក មិនទទួលបានការសន្យាផ្តល់ជំនួយថវិកាថ្មីណាមួយនៅឡើយទេ សម្រាប់ឆ្នាំ២០១៣”។
ព័ត៌មានពិស្តារអំពីគម្រោងថវិការបស់ អ.វ.ត.ក អាចរកបាននៅ៖
http://www.eccc.gov.kh/en/about-eccc/finances