ថ្ងៃទី៣ ខែមិថុនា ឆ្នាំ២០១១
រដ្ឋាភិបាលអូស្រ្តាលីបានបញ្ជាក់អំពីការផ្តល់ជំនួយថ្មីទៀតនូវថវិកាចំនួន ២លានដុល្លារអូស្រ្តាលី (ប្រមាណ ២,១ លានដុល្លារសហរដ្ឋអាមេរិក) ដល់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ ក្នុងជំនួយនេះ ថវិកាចំនួន១លានដុល្លារអូស្រ្តាលី នឹងត្រូវផ្តល់ជូនទៅភាគីជាតិ ហើយថវិកា ១លានដុល្លារអូស្រ្តាលី ទៀត នឹងត្រូវផ្តល់ជូនភាគីអន្តរជាតិនៃ អ.វ.ត.ក។
នៅក្នុងលិខិតមួយផ្ញើជូនថ្នាក់ដឹកនាំនៃ អ.វ.ត.ក ឯកឧត្តមឯកអគ្គរដ្ឋទូត ផេននី រីឆាដ លើកឡើងថា “អូស្រ្តាលីមើលឃើញថា អ.វ.ត.ក បានបោះជំហានដ៏សំខាន់ក្នុងការបញ្ចប់និរទណ្ឌភាពនៃឧក្រិដ្ឋកម្មដ៏សាហាវដែលប្រព្រឹត្តឡើងដោយខ្មែរក្រហម ដោយសម្រេចបានយុត្តិធម៌មួយកម្រិតសម្រាប់ជនរងគ្រោះ និងបានចូលរួមចំណែកក្នុងការផ្សះផ្សាជាតិ”។
ក្នុងលិខិតឆ្លើយតប ឯកឧត្តម ក្រាញ់ តូនី ប្រធានរដ្ឋបាលស្តីទីនៃ អ.វ.ត.ក បានថ្លែងថា “ខ្ញុំសូមសម្តែងនូវអំណរគុណយ៉ាងជ្រាលជ្រៅចំពោះទឹកចិត្តសប្បុរសនិងការបន្តគាំទ្ររបស់រដ្ឋាភិបាលអូស្ត្រាលី។ ជំនួយនេះមានសារសំខាន់ជាទីបំផុត ដើម្បីធានាថា អ.វ.ត.ក អាចបញ្ចប់បេសកកម្មរបស់ខ្លួនដោយជោគជ័យក្នុងការនាំយកយុត្តិធម៌មកជូនប្រជាជនកម្ពុជានិងជនរងគ្រោះនៃរបបខ្មែរក្រហម។”
ប្រទេសអូស្រ្តាលីស្ថិតក្នុងចំណោមប្រទេសម្ចាស់ជំនួយធំៗ ដែលបានផ្តល់ការគាំទ្រចំពោះ អ.វ.ត.ក តាំងពីពេលចាប់ផ្តើមដំណើរការដំបូង។ បូករួមទាំងជំនួយលើកចុងក្រោយនេះផង ប្រទេសអូស្រ្តាលីបានផ្តល់ជំនួយដល់ អ.វ.ត.ក ជាថវិកាសរុបចំនួន ១៦,៧លានដុល្លារអូស្រ្តាលី។
រដ្ឋាភិបាលអូស្រ្តាលីបានបញ្ជាក់អំពីការផ្តល់ជំនួយថ្មីទៀតនូវថវិកាចំនួន ២លានដុល្លារអូស្រ្តាលី (ប្រមាណ ២,១ លានដុល្លារសហរដ្ឋអាមេរិក) ដល់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ ក្នុងជំនួយនេះ ថវិកាចំនួន១លានដុល្លារអូស្រ្តាលី នឹងត្រូវផ្តល់ជូនទៅភាគីជាតិ ហើយថវិកា ១លានដុល្លារអូស្រ្តាលី ទៀត នឹងត្រូវផ្តល់ជូនភាគីអន្តរជាតិនៃ អ.វ.ត.ក។
នៅក្នុងលិខិតមួយផ្ញើជូនថ្នាក់ដឹកនាំនៃ អ.វ.ត.ក ឯកឧត្តមឯកអគ្គរដ្ឋទូត ផេននី រីឆាដ លើកឡើងថា “អូស្រ្តាលីមើលឃើញថា អ.វ.ត.ក បានបោះជំហានដ៏សំខាន់ក្នុងការបញ្ចប់និរទណ្ឌភាពនៃឧក្រិដ្ឋកម្មដ៏សាហាវដែលប្រព្រឹត្តឡើងដោយខ្មែរក្រហម ដោយសម្រេចបានយុត្តិធម៌មួយកម្រិតសម្រាប់ជនរងគ្រោះ និងបានចូលរួមចំណែកក្នុងការផ្សះផ្សាជាតិ”។
ក្នុងលិខិតឆ្លើយតប ឯកឧត្តម ក្រាញ់ តូនី ប្រធានរដ្ឋបាលស្តីទីនៃ អ.វ.ត.ក បានថ្លែងថា “ខ្ញុំសូមសម្តែងនូវអំណរគុណយ៉ាងជ្រាលជ្រៅចំពោះទឹកចិត្តសប្បុរសនិងការបន្តគាំទ្ររបស់រដ្ឋាភិបាលអូស្ត្រាលី។ ជំនួយនេះមានសារសំខាន់ជាទីបំផុត ដើម្បីធានាថា អ.វ.ត.ក អាចបញ្ចប់បេសកកម្មរបស់ខ្លួនដោយជោគជ័យក្នុងការនាំយកយុត្តិធម៌មកជូនប្រជាជនកម្ពុជានិងជនរងគ្រោះនៃរបបខ្មែរក្រហម។”
ប្រទេសអូស្រ្តាលីស្ថិតក្នុងចំណោមប្រទេសម្ចាស់ជំនួយធំៗ ដែលបានផ្តល់ការគាំទ្រចំពោះ អ.វ.ត.ក តាំងពីពេលចាប់ផ្តើមដំណើរការដំបូង។ បូករួមទាំងជំនួយលើកចុងក្រោយនេះផង ប្រទេសអូស្រ្តាលីបានផ្តល់ជំនួយដល់ អ.វ.ត.ក ជាថវិកាសរុបចំនួន ១៦,៧លានដុល្លារអូស្រ្តាលី។
Archive photo: HE Ambassador Penny Richards (right) together with Acting Director HE Tony Kranh and Deputy Director Mr. Knut Rosandhaug during a visit to ECCC in December 2010.