ប្រទេសស៊ុយអែដបានប្រកាសសន្យាផ្តល់ជំនួយថវិកាចំនួន ២៨ លានក្រោន (ប្រមាណ ៤ លានដុល្លារអាមេរិក) ដល់ភាគីអន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) សម្រាប់ការចំណាយឆ្នាំ២០១២ និង ២០១៣ ទៅតាមគម្រោងថវិកាដែលបានអនុម័តរួចហើយ។ វិភាគទាននៃថវិកានេះគឺ ៥០% សម្រាប់ចំណាយក្នុងឆ្នាំ២០១២ ហើយ ៥០% ទៀតសម្រាប់ការចំណាយក្នុងឆ្នាំ២០១៣។
ឆ្លើយតបនឹងជំនួយសប្បុរសនេះ ឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទី និងលោក ឃ្នុត រ៉ូសិនហក អនុប្រធានការិយាល័យរដ្ឋបាលនៃ អ.វ.ត.ក បានថ្លែងថា៖ “អ.វ.ត.ក សូមសម្តែងអំណរគុណដល់រដ្ឋាភិបាលស៊ុយអែដ ចំពោះជំនួយសប្បុរសនេះ ដែលផ្តល់ជូនក្នុងខណៈដែលភាគីអន្តរជាតិនៃ អ.វ.ត.ក កំពុងតែជួបប្រទះកង្វះខាតថវិកា។ ជំនួយនេះអនុញ្ញាតឲ្យ អ.វ.ត.ក អាចបន្តការងារដើម្បីបំពេញអាណត្តិរបស់ខ្លួនក្នុងការនាំយកយុត្តិធម៌ជូនប្រជាជនកម្ពុជាដោយពុំមានការផ្អាកជាបន្ទាន់ណាមួយ”។
ថវិកាថ្មីនេះគឺជាជំនួយលើកទីពីររបស់រដ្ឋាភិបាលស៊ុយអែដ ចាប់តាំងពីការបង្កើត អ.វ.ត.ក។
ប្រទេសស៊ុយអែដប្រកាសសន្យាផ្តល់ជំនួយថវិកាចំនួន ២៨ លានក្រោន ស្មើនឹងប្រមាណ ៤ លានដុល្លារអាមេរិក
Most read
- បុគ្គលិក អ.វ.ត.ក ចូលរួមបកប្រែសាលដីកាទាក់ទងសំណុំរឿងព្រះវិហារដល់ពលរដ្ឋខ្មែរ
នៅពេលដែលតុលាការយុត្តិធម៌អន្តរជាតិ (ICJ) ប្រកាសសេចក្តីសម្រេចរបស់ខ្លួនទាក់ទងនឹងសំណុំរឿងប្រាសាទព្រះវិហារនៅទីក្រុងឡាអេ កាលពីថ្ងៃច័ន្ទ ទី១២ ខែវិច្ឆិកា ឆ្នាំ ២០១៣ អ្នកបកប្រែភាសា ៤រូបមកពីអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ក៏បានបកប្រែ…
- វីដេអូឯកសារទាក់ទងនឹងសំណុំរឿង ០០២/០១
ឯកសារវីដេអូថ្មីរយៈពេល ២៥ នាទីបានផលិតឡើងដោយផ្នែកកិច្ចការសាធារណៈជាបណ្តុំនៃសម្រង់ផ្សេងៗចេញពីការជំនុំជម្រះក្តីលើសំណុំរឿង ០០២/០១ ប្រឆាំងនឹងជនជាប់ចោទ ខៀវ សំផន និងនួន ជា។
- សហព្រះរាជអាជ្ញាស្នើឲ្យផ្តន្ទាទោសដាក់ពន្ធនាគារមួយជីវិតចំពោះជនជាប់ចោទ ខៀវ សំផន និងនួន ជា
នៅពេលបញ្ចប់ការធ្វើសេចក្តីសន្និដ្ឋានបញ្ចប់របស់ខ្លួន ថ្ងៃទី២១ ខែតុលា ឆ្នាំ ២០១៣ សហព្រះរាជអជ្ញាជាតិ លោកជំទាវ ជា លាង បានស្នើសុំអង្គជំនុំជម្រះសាលាដំបូង ដាក់ទោសទណ្ឌចំពោះជនជាប់ចោទ ខៀវ សំផន និង នួន ជា ចំពោះការចោទប្រកាន់ពីឧក្រិដ្ឋកម្មប្រឆាំងនឹងមនុស្សជាតិ…
- សហព្រះរាជអាជ្ញាស្នើសុំឲ្យមានការដាក់ទណ្ឌកម្មលើក្រុមមេធាវីការពារក្តីជនជាប់ចោទ ខៀវ សំផន
នៅក្នុងអំឡុងពេលសវនាការនៅថ្ងៃទី១៨ ខែកក្កដា ឆ្នាំ ២០១៣ តំណាងសហព្រះរាជអាជ្ញាបានស្នើសុំអង្គជំនុំជម្រះសាលដំបូងដាក់ទណ្ឌកម្មលើក្រុមមេធាវីការពារក្តីឲ្យ ជនជាប់ចោទ ខៀវ សំផន ចំពោះការបង្ហាញដែលពួកគេបានធ្វើឡើងនៅក្នុងលិខិតជូនការីនិពន្ធចុះផ្សាយនៅក្នុងកាសែត ភ្នំពេញ…