លោក ជា សុមេធី អភិបាលនៃគណៈអភិបាលខេត្តព្រៃវែង បានដឹកនាំយុវជនចំនួន៤០០នាក់ មកធ្វើទស្សនកិច្ចសិក្សានៅសាលាក្តីខ្មែរក្រហម នៅថ្ងៃទី ១៦ ខែឧសភា ឆ្នាំ២០១៩។
ការមកទស្សនកិច្ចនៅសាលាក្ដីខ្មែរក្រហមនៅថ្ងៃនេះ គឺដើម្បីឈ្វេងយល់អំពីដំណើរការរបស់សាលាក្ដីខ្មែរក្រហមក្នុងការជំនុំជម្រះក្តីលើអតីតមេដឹកនាំជាន់ខ្ពស់ និងអ្នកទទួលខុសត្រូវខ្ពស់ក្នុងឧក្រិដ្ឋកម្មធ្ងន់ធ្ងរបំផុតប្រព្រឹត្តនៅក្នុងអំឡុងពេលនៃរបបខ្មែរក្រហម ក៏ដូចជាការសិក្សាឈ្វេងយល់បន្ថែមអំពីប្រវត្តិសាស្ដ្រនៃរបបកម្ពុជាប្រជាធិបតេយ្យ។
បន្ទាប់ពីបំពេញទស្សនកិច្ចនៅតុលាការខ្មែរក្រហម អភិបាលនៃគណៈអភិបាលខេត្តព្រៃវែង និងយុវជនដែលមកពី ពីសាកលវិទ្យាល័យ ជា ស៊ីម កំចាយមារសាខាខេត្តព្រៃវែង មជ្ឈមណ្ឌលគរុកោសល្យភូមិភាគខេត្តព្រៃវែង និងសាលាគរុកោសល្យនិងវិក្រិត្យការខេត្តព្រៃវែង បានបន្ដទៅទស្សនកិច្ចនៅមន្ទីរឧក្រិដ្ឋកម្មប្រល័យពូជសាសន៍ទួលស្លែង និងវាលពិឃាតបឹងជើងឯកផងដែរ៕
