អ្នកនិពន្ធសៀវភៅ "កម្ពុជាឆ្នាំសូន្យ" ផ្តល់សក្ខីកម្មនៅ អ.វ.ត.ក

Posted 30 មេសា 2013 by លោក ឡាស អូលសិន

នៅថ្ងៃទី៧ ខែឧសភា ឆ្នាំ១៩៧៥ លោក ហ្វ្រង់ស្វ័រ ប៉ុងស្សូ ស្ថិតក្នុង​ចំណោម​ជនបរទេស​ចុងក្រោយ​បំផុត​មួយក្រុម​ដែល​ចាកចេញ​ពី​ប្រទេស​កម្ពុជា បន្ទាប់ពី​ខ្មែរក្រហម​កាន់កាប់​ទីក្រុង​ភ្នំពេញ​នៅថ្ងៃ​ទី១៧ ខែមេសា ឆ្នាំ១៩៧៥។ បន្ទាប់ពី​បាន​ចំណាយ​ពេល​ជាច្រើន​សប្តាហ៍​នៅក្នុង​បរិវេណ​ស្ថានទូត​បារាំង​នៅ​ទីក្រុង​ភ្នំពេញ លោក ប៉ុងស្សូ ត្រូវ​បណ្តេញ​ចេញ​ពី​ប្រទេស​ដោយ​របបថ្មី។ សៀវភៅ​របស់គាត់​ដែល​មាន​ចំណងជើង​ថា "កម្ពុជាឆ្នាំសូន្យ" បោះពុម្ព​ផ្សាយ​នៅ​ឆ្នាំ១៩៧៧។

លោក ប៉ុងស្សូ ចូលមក​ផ្តល់​សក្ខីកម្ម​នៅក្នុង​សំណុំរឿង ០០២ នៅ​ថ្ងៃអង្គារ៍ ទី៩ ខែមេសា ឆ្នាំ២០១៣។ លោក ប៉ុងស្សូ ដែល​បាន​មក​រស់នៅ​ប្រទេស​កម្ពុជា​តាំងពី​ឆ្នាំ១៩៦៥ និង​ចេះ​និយាយ​ភាសាខ្មែរ​យ៉ាង​ស្ទាត់ជំនាញ បាន​សុំអនុញ្ញាត​ពី​ប្រធាន​អង្គជំនុំជម្រះ​ថា ដើម្បី​​ផ្តល់​សក្ខីកម្ម​ជា​ភាសាខ្មែរ។ លោក ប៉ុងស្សូ ផ្តល់​សក្ខីកម្ម​អំពី​ស្ថានភាព​នៅ​កម្ពុជា​ចន្លោះឆ្នាំ ១៩៧០-១៩៧៥ បន្ទាប់មក​ អំពីអ្វី​ដែល​គាត់​បាន​ឃើញ​និង​ជួបប្រទះ​នៅ​ថ្ងៃ​ទី១៧ ខែមេសា ឆ្នាំ១៩៧៥។
 

លោក ប៉ុងស្សូ ផ្តល់​សក្ខីកម្ម​រយៈពេល​បីថ្ងៃ គឺថ្ងៃទី៩ ទី១០ និងទី១១ ខែមេសា ឆ្នាំ២០១៣។ សាធារណជន​អាច​ទស្សនា​សក្ខីកម្ម​តាមរយៈ​វីដេអូ​បន្តផ្ទាល់​ដូច​ខាងក្រោម៖
ភាសាអង់គ្លេស: http://www.eccc.gov.kh/en/live-stream
ភាសាខ្មែរ:  http://www.eccc.gov.kh/live-stream
ភាសាបារាំង: : http://www.eccc.gov.kh/fr/live-stream

សូមចុចលើរូបថតដើម្បីពង្រីកទំហំ។