អត្ថបទព័ត៌មាន
អាល្លឺម៉ង់ បានចូលរួមចំណែកផ្តល់ថវិកាចំនួន ១,២ លាន អ៊ឺរ៉ូ ដល់ផ្នែកជាតិនៃ អ.វ.ត.ក
រដ្ឋាភិបាលនៃសាធារណរដ្ឋសហព័ន្ធរដ្ឋអាល្លឺម៉ង់បានចូលរួមចំណែកថវិកាចំនួន ១,២ លាន អ៊ឺរ៉ូ សម្រាប់ គម្រោងលើកកំពស់ការចូលរួមរបស់ជនរងគ្រោះនៅក្នុងកិច្ចដំណើរការនីតិវិធីនៅ អ.វ.ត.ក។ ឯកសារគម្រោងនេះ ត្រូវបានចុះហត្ថលេខា នៅថ្ងៃទី១៦ ខែធ្នូ ឆ្នាំ២០១០ ដោយនាយក GTZ ប្រចាំនៅតំបន់អាស៊ីខាងត្បូង ឡាវ និង កម្ពុជា និងដោយ ឯកឧត្តម ក្រាញ់ តូនី ប្រធានរដ្ឋបាលស្តីទីនៃ អ.វ.ត.ក នៅថ្ងៃទី២០ ខែធ្នូ ឆ្នាំ២០១០។ថវិការួមចំណែកនេះត្រូវបានផ្តល់ជូនសម្រាប់គម្រោងរយៈពេល ១៦ ខែ គិតចាប់ពីខែកញ្ញា ឆ្នាំ២០១០ ហើយនឹងត្រូវបញ្ចប់ត្រឹមថ្ងៃទី៣១ ខែធ្នូ ឆ្នាំ២០១១ ដោយផ្តោតលើសកម្មភាពនៃការចាត់ចែងលើឯកសារ កម្មវិធី ចុះផ្សព្វផ្សាយ និងការតំណាងតាមផ្លូវច្បាប់នៅចំពោះមុខ អ.វ.ត.ក។ ការចូលរួមរបស់ជនរងគ្រោះគឺជាការងារ មួយក្នុងចំណោមការងារជាច្រើនទៀតដែល អ.វ.ត.ក បានបំបែកឯកត្តកម្ម ហើយបង្កើតជាបទដ្ឋានថ្មីៗសម្រាប់តុលាការទាំងឡាយដែលទទួលការគាំទ្រ និងចូលរួមពីអន្តរជាតិ។ គម្រោងនេះនឹងជួយបន្តជម្រុញឱ្យមានយុត្តិធម៌ និងការផ្សះផ្សាជាតិ តាមរយៈការអនុវត្តន៍សិទ្ធយ៉ាងពេញលេញរបស់ជនរងគ្រោះចំពោះមុខ អ.វ.ត.ក។ប្រទេសអាល្លឺម៉ង់ គឺជាប្រទេសផ្តល់ជំនួយសំខាន់មួយក្នុងចំណោមបណ្តាប្រទេសផ្តល់ជំនួយដទៃទៀត ដែលផ្តល់ការគាំទ្រដល់ អ.វ.ត.ក ជាហូរហែរមក ចាប់តាំងពីពេលសាលាក្តីនេះត្រូវបានបង្កើតឡើងនៅក្នុងឆ្នាំ២០០៦។ ចាប់ពីឆ្នាំ២០០៥រហូតដល់ពេលនេះ ប្រទេសអាល្លឺម៉ង់បានផ្តល់ថវិកាសរុបជាង ៧ លាន អ៊ឺរ៉ូ សម្រាប់ទាំងផ្នែកជាតិ និងអន្តរជាតិនៃអ.វ.ត.ក។ នៅក្នុងឆ្នាំ២០១០ ក៏ដូចជាឆ្នាំ២០០៩ ដែរ ប្រទេសអាល្លឺម៉ង់បានផ្តល់ថវិកាចំនួន ១,៥ លាន អ៊ឺរ៉ូ ដល់ អ.វ.ត.ក។
ស្ដេចក្ដីប្រកាសព័ត៌មាន - ស្ដីពីការតែងតាំងលោកបណ្ឌិត SIEGFRIED BLUNK ជាសហចៅក្រមស៊ើបអង្កេតអន្ដរជាតិថ្មី
ព្រះមហាក្សត្រនរោត្តមសីហមុនី បានឡាយព្រះហស្ថលេខាតែងតាំងលោកបណ្ឌិត SIEGFRIED BLUNK (ជនជាតិអាឡឹម៉ង់) ជាសហចៅក្រមស៊ើបអង្កេតអន្ដរជាតិថ្មី សម្រាប់អង្គជំនុំជម្រះវិសាមញ្ញក្នុងតុលាការកម្ពុជា។លោកចៅក្រម BLUNK បានទទួលការបណ្ដុះបណ្ដាលផ្នែកនីតិសាស្ត្រនៅសាកលវិទ្យាល័យ Munich ហើយលោកបានសរសេរនិក្ខេបបទបណ្ឌិតស្ដីពីនីតិអន្តរជាតិ។ លោកចៅក្រម BLUNK ត្រូវបានតែងតាំងជាព្រះរាជអាជ្ញានៅឆ្នាំ ១៩៧២ ហើយបន្ទាប់មក នៅឆ្នាំ១៩៧៧ លោកបណ្ឌិតត្រូវបានតែងតាំងជាចៅក្រមវិន្និច្ឆ័យទាំងរឿងក្ដីបណ្ដឹងរដ្ឋប្បវេណី និងរឿងក្ដីព្រហ្មទណ្ឌអស់រយៈពេល២៦ឆ្នាំ។ ពីឆ្នាំ ២០០៣ ដល់ឆ្នាំ ២០០៥ លោកបណ្ឌិត BLUNK បានបម្រើការជាចៅក្រមអន្តរជាតិនៅតុលាការកូនកាត់មួយ ដែលអង្គការសហប្រជាជាតិបានបង្កើតឡើង ក្នុងប្រទេសទីម័រខាងកើត។ លោកបណ្ឌិត បានបម្រើការជាសហចៅក្រមស៊ើបអង្កេតបម្រុងនៅអង្គជំនុំជម្រះវិសាមញ្ញក្នុងតុលាការកម្ពុជាតាំងពីឆ្នាំ ២០០៨ មក។ លោក Laurent Kasper-Ansernet (ជនជាតិស្វីស) ត្រូវបានតែងតាំងជាសហចៅក្រមស៊ើបអង្កេតអន្តរជាតិបម្រុងថ្មី។លោកចៅក្រម BLUNK ចាប់ផ្ដើមចូលបម្រើការក្នុងការិយាល័យរបស់លោកនាថ្ងៃទី ០១ ខែធ្នូ ឆ្នាំ ២០១០នេះ។
កិច្ចប្រជុំពេញអង្គលើកទី ៩ របស់ អ.វ.ត.ក បានបញ្ចប់
កិច្ចប្រជុំពេញអង្គលើកទី ៩ របស់ អ.វ.ត.ក បានបញ្ចប់នាថ្ងៃនេះ បន្ទាប់ពីបានជួបប្រជុំចាប់ពីថ្ងៃទី ២១ ដល់ថ្ងៃទី ២៣ ខែកុម្ភៈ ឆ្នាំ២០១១។ កិច្ចប្រជុំពេញអង្គនេះបានពិចារណាទៅលើសំណើសុំធ្វើវិសោធនកម្មវិធានផ្ទៃក្នុង ដើម្បីលើកស្ទួយដល់ការរៀបចំចាត់ចែងសវនាការឲ្យមានប្រសិទ្ធភាព និងធ្វើឲ្យកិច្ចដំណើរការនិតិវិធីជំនុំជម្រះកាន់តែឆាប់រហ័សជាងមុន។
អង្គជំនុំជម្រះសាលាដំបូងនឹងបើកសវនាការជាសាធារណៈចំនួនពីរ នៅថ្ងៃទី៣១ ខែមករា ឆ្នាំ២០១១
អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងបើកសវនាការ ជាសាធារណៈចំនួនពីរនៅថ្ងៃទី៣១ ខែមករា ឆ្នាំ២០១១ តាមកាលវិភាគដូចខាងក្រោម៖
សមាជិកក្រុមប្រឹក្សាឃុំទូទាំងប្រទេសកម្ពុជាជួបផ្លាស់ប្តូរយោបល់ជាមួយមន្ត្រីនៃសាលាក្តីខ្មែរក្រហម
សមាជិកក្រុមប្រឹក្សាឃុំជិត ២០០នាក់ មកពី២៤ខេត្តក្រុងទូទាំងព្រះរាជាណាចក្រកម្ពុជា បានជួបផ្ទាល់និងផ្លាស់ប្តូរយោបល់ជាមួយមន្ត្រីជាន់ខ្ពស់នៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នៅថ្ងៃទី២៨ ខែមករា ឆ្នាំ២០១១ នៅក្នុងជំនួយមួយដែលមានរយៈពេលជាងពីរម៉ោង។
គម្រោងថវិកាថ្មីរបស់អង្គជំនុំជម្រះវិសាមញ្ញក្នុងតុលាការកម្ពុជាសម្រាប់ឆ្នាំ២០១០-២០១១
គម្រោងថវិកាថ្មីរបស់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) សម្រាប់ឆ្នាំ២០១០ និង ២០១១ ត្រូវបានប្រកាស ហើយពេលនេះអាចមើលឃើញនៅលើគេហទំព័ររបស់ អ.វ.ត.ក។
សវនាការលើបណ្តឹងសាទុក្ខក្នុងសំណុំរឿង ០០១ នឹងប្រព្រឹត្តទៅពីថ្ងៃទី២៨ ដល់ ៣១ ខែមីនា ឆ្នាំ២០១១
អង្គជំនុំជម្រះតុលាការកំពូលនៃ អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងដំណើរការ សវនាការលើបណ្តឹងសាទុក្ខក្នុងសំណុំរឿង ០០១ ប្រឆាំងលោក កាំង ហ្កេកអ៊ាវ ហៅ ឌុច តាមកាលវិភាគដូចខាងក្រោម៖
សេចក្តីអញ្ជើញចូលរួមសវនាការសាធារណៈលើបណ្តឹងសាទុក្ខក្នុងសំណុំរឿងក្តីរបស់ ឌុច ពីថ្ងៃទី ២៨ ដល់ថ្ងៃទី ៣០ ខែមីនា ឆ្នាំ២០១១
អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) មានកិត្តយសសូមគោរពអញ្ជើញសាធារណជន មន្រ្តីការទូត និងតំណាងសារព័ត៌មានជាតិនិងអន្តរជាតិ ចូលរួមសវនាការសាធារណៈលើបណ្តឹងសាទុក្ខ ក្នុងសំណុំរឿង០០១ ប្រឆាំងនឹង កាំង ហ្កេកអ៊ាវ ហៅ ឌុច ដែលត្រូវចោទប្រកាន់ពាក់ព័ន្ធនឹងឧក្រិដ្ឋកម្ម ដែលកើតឡើងនៅមន្ទីរ ស-២១ (ទួលស្លែង) និងនៅទីកន្លែងផ្សេងទៀតដែលទាក់ទងគ្នា។
ប្រជាជននៅតំបន់ខ្មែរក្រហមចុងក្រោយ មកមើលសាលាក្តីខ្មែរក្រហមនិងគុកទួលស្លែង
ដើរមួយៗចេញពីបន្ទប់ទី១នៃអគារ “ក” នៃសារមន្ទីរឧក្រិដ្ឋកម្មប្រល័យពូជសាសន៍ទួលស្លែង ដែលជាអតីតមន្ទីរសន្តិសុខ ស-២១ នៃរបបខ្មែរក្រហម មីង ជា រ៉ន ដែលធ្វើដំណើរយ៉ាងវែងឆ្ងាយ មកពីខេត្តប៉ៃលិន មានទឹកមុខស្រងូតស្រងាត់ និងនិយាយប្រាប់មិត្តរបស់គាត់ដែលដើរជាមួយគ្នាថា “បងប្រុសរបស់ខ្ញុំបាត់ខ្លួននៅទីនេះ” ។
ថ្នាក់ដឹកនាំនៃសាលាក្តីខ្មែរក្រហមចែករំលែកបទពិសោធន៍ដល់និស្សិតសាលាច្បាប់
សហសាល B នៃសាកលវិទ្យាល័យភូមិន្ទនីតិសាស្រ្តនិងវិទ្យាសាស្រ្តសេដ្ឋកិច្ច នៅព្រឹកថ្ងៃទី២១ ខែតុលានេះ ពេញទៅដោយសាស្រ្តាចារ្យនិងនិស្សិតច្បាប់ប្រមាណ៤០០នាក់ ដែលមកស្តាប់បទឧទេ្ទសនាមរបស់ឯកឧត្តមប្រធានស្តីទីនិងលោកអនុប្រធានការិយាល័យរដ្ឋបាលនៃអង្គជំនុំជម្រះ វិសាមញ្ញក្នុងតុលាការកម្ពុជា។
ក្នុងវ័យ៧៨ឆ្នាំ តំណាងសហគមន៍ខ្មែរនៅសហរដ្ឋអាមេរិកធ្វើដំណើរជាង១ម៉ឺនគីឡូម៉ែត្រ មកស្តាប់ការប្រកាសសាលក្រម ឌុច
តំណាងម្នាក់របស់សហគមន៍ជនរងគ្រោះនៃរបបខ្មែរក្រហមដែលកំពុងរស់នៅសហរដ្ឋអាមេរិកបាន ធ្វើដំណើរចម្ងាយ ១៤,០០០គីឡូម៉ែត្រ មកស្តាប់ការប្រកាសសាលក្រម ឌុច កាលពីថ្ងៃទី២៦ ខែកក្កដា កន្លងទៅនេះ គឺលោកអ៊ំ ម៉ម យីន។
ប្រទេសមហាអំណាចអបអរសាទជាប្រវត្តិសាស្រ្តសាលក្រមទី១របស់សាលាក្តីខ្មែរក្រហម
បណ្តាប្រទេសមហាអំណាចបានអបអរសាទភ្លាមៗ ចំពោះសាលក្រមប្រឆាំងនឹងជនជាប់ចោទ កាំង ហ្កេចអ៊ាវ ហៅ ឌុច ដែលជាអតីតប្រធានមន្ទីរ ស-២១ ហៅគុកទួលស្លែង នៃរបបកម្ពុជាប្រជាធិបតេយ្យ កាលពីថ្ងៃទី២៦ ខែកក្កដា។
ប្រជាជនមកពីស្រុកអន្លង់វែងប្រឈមមុខនឹងអតីតកាល
“ខ្ញុំសប្បាយចិត្តណាស់ដែលបានទទួលស្វាគមន៍អតីតបងប្អូនខ្មែរក្រហមមកពីតំបន់អន្លង់វែង។ពួកគាត់ខ្លះមិនសូវជឿអំពីអ្វីដែលបានកើតឡើងនៅទីនេះទេ ឬមួយចំនួនជឿហើយតែមិនប្រាកដថាមានសភាពសាហាវឃោរឃៅខ្លាំង។
អ្នកនយោបាយវ័យក្មេងមកស្វែងយល់អំពីតុលាការខ្មែរក្រហម
អ្នកនយោបាយវ័យក្មេងចំនួន៤០នាក់ មកពីការិយាល័យគណបក្សចំនួនពីរក្នុងខេត្តបាត់ដំបងនិងខេត្តសៀមរាប បានមកធ្វើទស្សនកិច្ចនៅអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) នៅថ្ងៃ ទី២៥ ខែវិច្ឆិកា ឆ្នាំ២០១០។
អង្គជំនុំជម្រះតុលាការកំពូលរបស់ អ.វ.ត.ក. នឹងបើកសវនាការលើបណ្តឹងសាទុក្ខ នៅសប្តាហ៍ចុងក្រោយនៃខែមីនា ឆ្នាំ២០១១
អង្គជំនុះជម្រះតុលាការកំពូលនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) សូមជូនដំណឹងដល់គ្រប់ ភាគីទាំងអស់ឲ្យបានជ្រាបថា អង្គជំនុះជម្រះតុលាការកំពូលនឹងបើកសវនាការផ្ទាលមាត់នៅក្នុងសប្តាហ៍ ចុងក្រោយនៃខែមីនា ឆ្នាំ២០១១ ទាក់ទងនឹងបណ្តឹង សាទុក្ខ ក្នុងសំណុំរឿង ០០១។ កាលបរិច្ឆេទ និងពេលវេលាជាក់លាក់ នៃ សវនាការនឹងប្រកាសជូនដំណឹងពេលក្រោយ។
ប្រជាជនកម្ពុជា ៦ម៉ឺន៧ពាន់នាក់ បានមកមើលសាលាក្តីខ្មែរក្រហមក្នុងអំឡុងពេលជិត២ឆ្នាំ
ប្រជាជនកម្ពុជា៦ម៉ឺន៧ពាន់នាក់ បានមកមើល សាលាក្តីខ្មែរក្រហមក្នុងអំឡុងពេលជិត២ឆ្នាំចុងក្រោយនេះ។ តួលេខនេះបានធ្វើឲ្យអង្គជំនុំជម្រះវិសាមញ្ញក្នុងតុលាការកម្ពុជាក្លាយជាតុលាការឧក្រិដ្ឋកម្ម អន្តរជាតិទី១ដែលទទួលបានការគាំទ្រនិងចូលរួមពីប្រជាជនក្នុងចំនួនដ៏ច្រើនបំផុតក្នុងប្រវត្តិសាស្ត្រនៃ ការបង្កើតតុលាការឧក្រិដ្ឋកម្មអន្តរជាតិលើពិភពលោក។
មេដឹកនាំខ្មែរក្រហមបួនរូបត្រូវបានចោទប្រកាន់ជាផ្លូវការ និងត្រូវបញ្ជូនទៅជំនុំជម្រះក្តី
សហចៅក្រមស៊ើបអង្កេតនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) លោកចៅក្រម យូ ប៊ុនឡេង និងលោកចៅក្រម ម៉ាសែល ឡឺម៉ុង នៅថ្ងៃទី១៦ ខែកញ្ញានេះ បានចេញដីកាដំណោះស្រាយសំរាប់សំណុំរឿង ០០២ ដោយធ្វើការចោទប្រកាន់និងបញ្ជូនមេដឹកនាំខ្មែរក្រហមចំនួនបួនរូបដែលកំពុងស្ថិត នៅក្នុងការឃុំឃាំងរបស់ អ.វ.ត.ក. ទៅធ្វើការជំនុំជម្រះក្តី។
សហព្រះរាជាអាជ្ញាស្នើសុំឲ្យដាក់ទោស ឌុច អស់មួយជីវិត ប៉ុន្តែកាត់បន្ថយមកត្រឹម ៤៥ឆ្នាំ
សហព្រះរាជអាជ្ញានៃអង្គជំនុំជម្រះវិសាមញ្ញក្នុងតុលាការកម្ពុជាបានស្នើសុំឲ្យអង្គជំនុំជម្រះតុលាការ កំពូលផ្តន្ទាទោស ឌុច ឲ្យបានដល់កម្រិតជាប់ពន្ធនាគារអស់មួយជីវិត ក៏ប៉ុន្តែសុំឲ្យកាត់បន្ថយមកនៅត្រឹម៤៥ឆ្នាំ ដោយយល់ឃើញថា ការធ្វើបែបនេះគឺជាដំណោះស្រាយសមស្របចំពោះការឃុំខ្លួនគាត់ ខុសនីតិវិធីច្បាប់កន្លងមក និងដោយយល់ឃើញទៀតថា ការសហការរបស់ ឌុច ជាមួយតុលាការ មានទ្រង់ទ្រាយតូចនិងនៅមានកម្រិត។