នៅក្នុងលិខិតផ្ញើជូនការិយាល័យរដ្ឋបាលនៃ អ.វ.ត.ក ឯកឧត្តមឯកអគ្គរដ្ឋទូត ប៊េឌី ខូរី លើកឡើងថា “ជំនួយបន្ថែមនេះគឺជាការបញ្ជាក់អំពីការបន្តគាំទ្ររបស់ប្រទេសនូវែលសេឡង់ ចំពោះដំណើរការក្តីរបស់តុលាការ”។
ឯកឧត្តម ក្រាញ់ តូនី ប្រធានរដ្ឋបាលស្តីទី និងលោក ឃ្នុត រ៉ូសិនហក អនុប្រធានរដ្ឋបាលនៃ អ.វ.ត.ក បានឆ្លើយតបថា “យើងសូមថ្លែងអំណរគុណចំពោះទឹកចិត្តសប្បុរសរបស់ប្រទេសនូវែលសេឡង់ដែលបានផ្តល់ការគាំទ្រផ្នែកហិរញ្ញវត្ថុដល់ អ.វ.ត.ក ជាបន្តបន្ទាប់តាំងពីពេលដែលតុលាការនេះត្រូវបានបង្កើតឡើងនៅឆ្នាំ២០០៦”។