សវនាការនឹងបន្តធ្វើឡើងជាធម្មតា ពីថ្ងៃចន្ទ ដល់ថ្ងៃព្រហស្បតិ៍ ចាប់ពីម៉ោង ៩:០០ ព្រឹក ដល់ម៉ោង ១៦:០០ រសៀល។ អង្គជំនុំជម្រះ អាចនឹងកែប្រែកម្មវិធីនេះ ដោយធ្វើការជូនដំណឹងជាមុនក្នុងរយៈពេលដ៏ខ្លី ដូច្នេះ ភ្ញៀវទាំងអស់ ត្រូវតាមដានព័ត៌មាននៅលើគេហទំព័ររបស់ អ.វ.ត.ក (www.eccc.gov.kh) ដើម្បីទទួលដំណឹងពីកម្មវិធី ដែលបានធ្វើបច្ចុប្បន្នភាពចុងក្រោយបំផុត។
សាធារណជនអាចចូលរួមតាមដានសវនាការគ្រប់ពេល លើកលែងតែនៅពេលដែលអង្គជំនុំជម្រះ សម្រេចថា អង្គជំនុំជម្រះត្រូវស្តាប់បញ្ហាជាក់លាក់មួយចំនួន នៅក្នុងសវនាការអសាធារណៈ។ កន្លែងអង្គុយនៅក្នុងសាលសវនាការសាធារណៈ នឹងត្រូវផ្តល់ជូនដោយផ្អែកលើគោលការណ៍ដែលថា អ្នកមកមុន នឹងទទួលបានកន្លែង
អង្គុយមុន។