មន្ត្រីកម្មវិធី​អភិវឌ្ឍន៍​របស់​ស៊ុយអែដ​ស្វែងយល់​អំពី អ.វ.ត.ក

Date

មន្ត្រីមកពី​ទីភ្នាក់ងារ​អភិវឌ្ឃន៍​អន្តរជាតិ​ស៊ុយអែដ (SIDA) បានចំណាយ​ពេល​ពេញ​មួយព្រឹក​នៅ អ.វ.ត.ក នៅ​ថ្ងៃអង្គារ៍ ទី៩ ខែតុលា ឆ្នាំ២០១២ ដើម្បី​ស្វែងយល់​អំពី​ការងារ​របស់ អ.វ.ត.ក។ គណៈប្រតិភូ​មាន​សមាជិក​១៧រូប និង​ដឹកនាំ​ដោយ​លោកស្រី Charlotte Petri-Gornitzka អគ្គនាយក​អង្គការ SIDA បាន​ចូល​ស្តាប់​សវនាការ​នៅ​ពេលព្រឹក ដើម្បី​ស្តាប់​សក្ខីកម្ម​របស់​អតីត​មេបញ្ជាការ​កងទ័ព​ខ្មែរក្រហម បន្ទាប់មក​ស្តាប់​បទឧទ្ទេសនាម​របស់​មន្ត្រី​តុលាការ។

បន្ទាប់មក គណៈប្រតិភូ​ក៏បាន​ជួប​ជាមួយ​ឯកឧត្តម ក្រាញ់ តូនី ប្រធាន​ការិយាល័យ​រដ្ឋបាល​ស្តីទី និង​មន្ត្រីរដ្ឋបាល​ជាន់ខ្ពស់​ដទៃទៀត និង​បាន​ជួប​ជាមួយ​លោក​ចៅក្រម រ៉ូវ៉ាន់ ដោននីង នៃ​អង្គបុរេជំនុំជម្រះ ដើម្បី​ពិភាក្សា​អំពី​ជោគជ័យ​នានា​ដែល​តុលាការ​សម្រេច​បាន និង​អំពី​ឧបសគ្គ​ចំពោះមុខ​ដែល​តុលាការ​កំពុងតែ​ប្រឈម។ លោកស្រី Petri-Gornitzka បានមាន​ប្រសាសន៍​នៅពេល​បញ្ចប់​ដំណើរ​ទស្សនកិច្ច​ថា "ដំណើរ​ទស្សនកិច្ច​នេះ​មាន​សារសំខាន់​សម្រាប់​យើងខ្ញុំ ក្នុងការ​ស្វែងយល់​អំពី​ អ.វ.ត.ក"។

Description of group

SIDA

Nationality of participants
ស៊ុយអែដ
Activity
តាមដានសវនាការ និងស្តាប់បទឧទ្ទេសនាមរបស់មន្ត្រីតុលាការ
Total number of visitors
NA