សាវតារ
សាលាក្ដីវើចួល នៃ អ.វ.ត.ក គឺជាបណ្ណាល័យអេឡិចត្រូនិក (e-library)មិនយកកម្រៃ ។វារក្សាទុកនូវឯកសារ និងព័ត៌មានផ្សេងៗ ដែលទាក់ទងនឹងការងាររបស់អង្គជំនុំជម្រះវិសាមញ្ញក្នុងតុលាការកម្ពុជា(អ.វ.ត.ក) ក្នុងគ្រប់ទម្រង់ (អត្ថបទ, សម្លេង, រូបភាព, និងវីដេអូ), ប្រវត្តិខ្មែរក្រហម និងការរួមចំណែកពីស្ថាប័នជាដៃគូនានា រួមមាន៖
វិទ្យាស្ថានអប់រំ, បណ្ឌិតសភា, ប្រព័ន្ធផ្សព្វផ្សាយ, អង្គការក្រៅរដ្ឋាភិបាល និង ក្រុមសង្គមស៊ីវិល ក្នុងដំណើរការនៃការស្វែងរកយុត្តិធម៌ ។
លក្ខណៈចម្បង
អ្នកប្រើប្រាស់ ជាតិនិងអន្តរជាតិទាំងអស់ ដែលមាន កម្រិតវប្បធម៌ ផ្នែកអក្សរសាស្រ្ត, ផ្នែកច្បាប់, ផ្នែកបច្ចេកវិទ្យា ផ្សេងៗ អាចទាញយកប្រយោជន៍ ពីប្រភពព័ត៌មាននេះ ដែលមានជាភាសាអង់គ្លេស និង ភាសាខ្មែរដោយសេរី និងឥតគិតថ្លៃ ។ ម៉ូឌុល (Modules) សម្រាប់ក្រុមអ្នកប្រើប្រាស់ផ្សេងៗទៀត ត្រូវបានតាក់តែងឡើងដើម្បីឆ្លើយតប ទៅនឹងតម្រូវការ និងចំណាប់អារម្មណ៌ របស់សិស្សនិស្សិតកម្ពុជា (មធ្យមសិក្សា, ឧត្តមសិក្សា, ក្រោយឧត្តមសិក្សា), កម្មសិក្សាការីក្នុងកម្មសិក្សាផ្នែកច្បាប់ និងតុលាការ,គ្រួសារជនរងគ្រោះ និងអ្នករស់រានមានជីវិតទាំងអស់ដែលចង់ដឹង ពីព័ត៌មាន និងហេតុការណ៍ទាំងឡាយដែលកើតមានក្នុងរបបខ្មែរក្រហមក៏ដូចជាសម្រាប់និស្សិតច្បាប់ និងនិស្សិតសកល វិទ្យាល័យអន្តរជាតិ, សាស្រ្តាចារ្យ, បញ្ញាវន្ត, អ្នកស្រាវជ្រាវនៃអង្គការក្រៅរដ្ឋាភិបាល, និងកម្មសិក្សាការីក្នុងកម្មវិធី ពង្រឹងសមត្ថភាពវិជ្ជាជីវៈ។
លើសពីនេះទៀត របៀប “ស្វែងរកលំអិត” (Advanced search function) នៃគម្រោងសាលាក្ដីវើចួលនៃអ.វ.ត.ក ផ្ដល់នូវភាពងាយស្រួលក្នុងការស្វែងរកសម្រាប់អ្នកប្រើប្រាស់ រួមមាន៖
- អត្ថបទ ប្រវត្តិ សំណេរ រូបភាព វីដេអូ នៃដំណើរការនិតិវិធី
- កំណត់ត្រា និង វីដេអូ នៃ សវនាការ
- បទសម្ភាសន៍ជាមួយមន្ត្រីតុលាការ និងអ្នកចូលរួមក្នុងដំណើរការក្ដី
- សេចក្ដីអធិប្បាយរបស់អ្នកជំនាញ ធ្វើឡើងក្នុងគោលបំណងនៃការបណ្ដុះបណ្ដាលនិងស្រាវជ្រាវ
- ឧបករណ៍ជំនួយដល់ការអប់រំដែលត្រូវបានរចនាឡើងសម្រាប់ គ្រូបង្រៀន និងសិស្សានុសិស្ស
- ឯកសារផ្សេងៗ និងមេឌាចម្រុះ ដែលចងក្រងឡើងដោយ អង្គការសង្គមស៊ីវិល (រួមមានរបាយការណ៍, រូបភាព, ឯកសារបណ្តុះបណ្តាល និងផ្សព្វផ្សាយ, បទសម្ភាសន៍, វេទិកាសហគមន៍, វីដេអូ កុន និងឯកសារផ្សេងៗ ដែលបង្កើតឡើងដោយស្ថាប័នជាដៃគូ) និង
- ឯកសារសារព័ត៌មាននៃអំពីដំណើរការក្ដីព្រមទាំងប្រតិកម្មពីសាធារណៈជនចំពោះដំណើរការកាត់ក្ដី
ស្ថាប័នជាដៃគូ
អង្គជំនុំជំរះវិសាមញ្ញនៅក្នុងតុលាការកម្ពុជា (អ.វ.ត.ក (ECCC)), មជ្ឈមណ្ឌលសិក្សាអំពី ឧក្រិដ្ឋកម្មសង្គ្រាម (WCSC) នៃសកលវិទ្យាល័យកាលីហ្វ័រញ៉ាបឺគ្លី, វិទ្យាស្ថានហ៊ូវើនៃសកលវិទ្យាល័យស្ទែនហ្វត(HI) និង មជ្ឈមណ្ឌល អ៊ីស-វេស(EWC) នៅ ហូនូលូលូ រួមគ្នាបង្កើតឡើងនូវគម្រោងសាលាក្ដីវើចួលនៃអ.វ.ត.កដើម្បីពង្រឹង និងសម្អិតសម្អាង ឱ្យប្រសើរឡើង នូវកេរតំណែលនៃតុលាការនេះ។
សាលាក្ដីវើចួល នៃអ.វ.ត.ក នឹងចាប់ផ្ដើមដំណើរការ(Launch) នៅ ខែវិច្ឆិការ ២០១១ នេះតាមរយៈ វេបសាយ (vt.eccc.gov.kh)។
សូមស្វាគមន៍
ភាគីដែលមានចំណាប់អារម្មណ៍ក្នុងការចូលរួមចំណែកផ្ដល់ជាឯកសារនានា ដែលអាចជួយឱ្យកេរដំណែលនៃអ.វ.ត.កមានលក្ខណៈកាន់តែសម្បូរបែបហើយធានាថា ព្រឹត្តិការណ៍និងការងារជាសមិទ្ធិផលប្រវត្តិសាស្ត្ររបស់តុលាការនេះនឹងស្ថិតនៅជាចេរកាល សម្រាប់អ្នកជំនាន់ក្រោយ ។
សម្រាប់ព័ត៌មានបន្ថែម សូមទំនាក់ទំនងមកកាន់ vt.info@eccc.gov.kh