អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នៅថ្ងៃទី១២ ខែកក្កដា ឆ្នាំ២០២៣ នេះ បាននាំយកសិស្សានុសិស្សប្រមាណ២៤០ នាក់ មកពីវិទ្យាល័យពាមជាំង ស្រុកអូរាំងឪ ខេត្តត្បូងឃ្មុំ ទៅទស្សនកិច្ចសិក្សានៅវិមាន ឈ្នះ ឈ្នះ សារៈមន្ទីរឧក្រិដ្ឋកម្មប្រល័យពូជសាសន៍ទួលស្លែង និងមជ្ឈមណ្ឌលប្រល័យពូជសាសន៍ជើងឯក។
ក្នុងដំណើរទស្សនកិច្ចសិក្សារៀបចំដោយ អ.វ.ត.ក នៅថ្ងៃនេះ សិស្សទាំងអស់ក៏ទទួលបានការបទបង្ហាញអំពីសមិទ្ធផលនៃការជំនុំជម្រះក្ដីលើអតីតមេដឹកនាំជាន់ខ្ពស់នៃរបបខ្មែរក្រហមផងដែរ។
