កាយ​សម្បទា​ក្នុង​ការ​ចូលរួម​សវនាការ

នៅក្នុងសេចក្តីសម្រេចពីរផ្សេងគ្នាដែលបានចេញកាលពីថ្ងៃទី២៥ ខែមេសា ឆ្នាំ ២០១៤ អង្គជំនុំជម្រះសាលាដំបូងបានរកឃើញថា ជនជាប់ចោទទាំងពីរនាក់គឺ ខៀវ សំផន និងនួន ជា មានសម្បទាគ្រប់គ្រាន់ដើម្បីចូលរួម សវនាការ។ សេចក្តីសម្រេចនេះត្រូវបានធ្វើឡើងបន្ទាប់ពីជនជាប់ចោទទាំងពីត្រូវបានត្រួតពិនិត្យដោយអ្នកជំនាញវេជ្ជសាស្ត្រចំនួនបីរូបកាលពីអំឡុងចុងខែមីនាកន្លងទៅនេះ។ អ្នកជំនាញទាំងបីរូបនេះដែលត្រូវបានតែងតាំងដោយអង្គជំនុំជម្រះសាលាដំបូងរួមមានលោកវេជ្ជបណ្ឌិត ស៊ីណា ហ្វាហ្សែល (អង់គ្លេស) លោវេជ្ជបណ្ឌិត ច័ន្ទ គិនមីង និងលោកវេជ្ជបណ្ឌិត ហ៊ួត លីណា (កម្ពុជា)។ 

នៅថ្ងៃនេះ អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា​បាន​ចេញ​អនុស្ស​រណៈ​​មួយ​​ដោយ​​បាន​​ជូន​​ដំណឹង​​ដល់​​ភាគី​​ទាំង​អស់​នៃ​សំណុំ​រឿង ០០២ អំពីដំណាក់កាលបន្ទាប់មកទៀតសម្រាប់ការជំនុំជម្រះនៅក្នុងដំណាក់កាលទីពីរនេះ។ អនុស្សរណៈ ដោយមានភ្ជាប់ជាមួយនូវផែនការការងារដែលបានគូស បញ្ជាក់ពីដំណាក់កាលសំខាន់ៗ និងសកម្មភាពចាំបាច់មួយចំនួន មុនពេលចាប់ផ្តើមសវនាការលើអង្គសេចក្តីនៅក្នុងសំណុំរឿង ០០២/០២ នោះ គឺត្រូវបានធ្វើឡើងភ្លាមៗបន្ទាប់ពីមានសេចក្តីសម្រេចរបស់ប្រធានអង្គជំនុំជម្រះសាលាដំបូងកាលពីសប្តាហ៍មុន ដែលមិនស្នើឲ្យបង្កើតក្រុមប្រឹក្សាជំនុំជម្រះទីពីរដើម្បីជំនុំជម្រះក្នុងដំណាក់កាលទីពីរនោះទេ។

នៅក្នុងការជូនដំណឹងពីរនៅថ្ងៃទី២៩ ខែមីនា ឆ្នាំ២០១៣ អង្គជំនុំជម្រះសាលាដំបូងសន្និដ្ឋានថា នួន ជា មានកាយសម្បទានិងបញ្ញាស្មារតីគ្រប់គ្រាន់ក្នុងការចូលរួមការជំនុំជម្រះក្តី និងថា សំណុំរឿង ០០២ នឹងត្រូវបំបែកជាសវនាការតូចៗ។ អង្គជំនុំជម្រះសាលាដំបូងប្រកាសថា ប្រធានបទនៃការពិភាក្សានៅក្នុងសវនាការដំណាក់កាលទី១នៃសំណុំរឿង ០០២ គឺបទចោទប្រកាន់នៅក្នុងដីកាសន្និដ្ឋានដែលពាក់ព័ន្ធនឹង៖១) ការជម្លៀសប្រជាជនចេញពីទីក្រុងភ្នំពេញដោយបង្ខំនៅខែមេសា ឆ្នាំ១៩៧៥២) ការជម្លៀសប្រជាជននៅដំណាក់កាលទីពីរ ដែលចាប់ផ្តើមពីខែកញ្ញា ឆ្នាំ១៩៧៥៣) ការសម្លាប់អតីតទាហាន លន់ ណុល នៅទួលពោធិ៍ជ្រៃ ក្នុងខេត្តពោធិសាត់។

អង្គជំនុំជម្រះ​តុលាការ​កំពូល​នឹង​បើក​សវនាការ​នៅ​ថ្ងៃអង្គារ៍ ទី១៣ ខែវិច្ឆិកា ឆ្នាំ២០១២ វេលាម៉ោង ៩:៣០ នាទីព្រឹក ដើម្បី​ស្តាប់​ការ​វែកញែក​ដោយ​ផ្ទាល់មាត់ ទាក់ទិន​នឹង​បណ្តឹង​សាទុក្ខ​របស់​សហព្រះរាជអាជ្ញា ពាក់ព័ន្ធនឹង​លក្ខខណ្ឌ​នៃ​ការដោះលែង អៀង ធីរិទ្ធ។

បន្ទាប់ពីបានផ្តល់សេវាព្យាបាលដល់ អៀង ធីរិទ្ធ អង្គជំនុំជម្រះសាលាដំបូងនឹងបើកសវនាការនៅថ្ងៃទី៣០ និង ៣១ ខែសីហា ឆ្នាំ២០១២នេះ ដើម្បីស្តាប់ការវាយតម្លៃរបស់អ្នកជំនាញវេជ្ជសាស្រ្តលើស្ថានភាពកាយសម្បទានិងបញ្ញាស្មារតីរបស់ អៀង ធីរិទ្ធ ក្នុងការចូលរួមការជំនុំជម្រះ។ ខាងក្រោមនេះគឺជាចម្លើយតបទៅនឹងសំណួរមួយចំនួនពាក់ព័ន្ធនឹងសវនាការលើស្ថានភាពកាយសម្បទានិងបញ្ញាស្មារតីរបស់ អៀង ធីរិទ្ធ ក្នុងការចូលរួមសវនាការ។