សំណុំរឿង ០០៣
កាលពីថ្ងៃទី០៧ ខែកញ្ញា ឆ្នាំ២០០៩ សហព្រះរាជអាជ្ញាអន្តរជាតិបានដាក់ដីកាសន្និដ្ឋានបញ្ជូនរឿងឲ្យស៊ើបសួរចំនួនពីរ ដោយស្នើឲ្យសហចៅក្រមស៊ើបអង្កេតផ្តួចផ្តើមបើកកិច្ចស៊ើបសួរ ពាក់ព័ន្ធនឹងជនសង្ស័យប្រាំនាក់។ ដីកាសន្និដ្ឋានបញ្ជូនរឿងឲ្យស៊ើបសួរទាំងពីរនេះ ត្រូវបានបែងចែកទៅជាសំណុំរឿង ០០៣ និង ០០៤។
មាស មុត និង ស៊ូ ម៉េត ពីដំបូង ត្រូវបានកំណត់ឈ្មោះថាជាជនសង្ស័យនៅក្នុងសំណុំរឿង ០០៣។ កិច្ចស៊ើបសួរប្រឆាំងនឹង ស៊ូ ម៉េត ត្រូវបានបញ្ចប់នៅថ្ងៃទី០២ ខែមិថុនា ឆ្នាំ២០១៥ បន្ទាប់ពីគាត់ទទួលមរណភាព។ មាស មុត ត្រូវបានសហចៅក្រមស៊ើបអង្កេតអន្តរជាតិចោទប្រកាន់ដោយកំបាំងមុខ នៅក្នុងខែមីនា ឆ្នាំ២០១៥ និងបានចូលខ្លូនដោយស្ម័គ្រចិត្តនៅចំពោះមុខសហចៅក្រមស៊ើបអង្កេតអន្តរជាតិ នៅក្នុងខែធ្នូ ឆ្នាំ២០១៥ ដែលពេលនោះ គាត់ត្រូវបានជូនដំណឹងអំពីបទចោទប្រកាន់បន្ថែម។
នៅថ្ងៃទី២៨ ខែវិច្ឆិកា ឆ្នាំ២០១៨ សហចៅក្រមស៊ើបអង្កេតទាំងពីរបានចេញដីកាដំណោះស្រាយផ្ទុយគ្នាពីរ នៅក្នុងសំណុំរឿងប្រឆាំងនឹង មាស មុត ដោយសារតែការមិនចុះសម្រុងគ្នាថាតើ មាស មុត ស្ថិតនៅក្រោមយុត្តាធិការបុគ្គលរបស់ អ.វ.ត.ក ក្នុងឋានៈជាមេដឹកនាំជាន់ខ្ពស់ ឬជាបុគ្គលម្នាក់ក្នុងចំណោមអ្នកទទួលខុសត្រូវខ្ពស់បំផុតចំពោះឧក្រិដ្ឋកម្ម ដែលបានប្រព្រឹត្តឡើងនៅក្នុងរយៈកាលនៃកម្ពុជាប្រជាធិបតេយ្យដែរឬយ៉ាងណា។
សហចៅក្រមស៊ើបអង្កេតជាតិយល់ឃើញថា មាស មុត មិនស្ថិតក្រោមយុត្តាធិការបុគ្គលរបស់ អ.វ.ត.ក ទេ ទោះជាក្នុងប្រភេទបុគ្គលមួយណាក៏ដោយ និងបានច្រានចោលសំណុំរឿងប្រឆាំងនឹង មាស មុត ដោយសារតែមូលហេតុនេះឯង។ សហចៅក្រមស៊ើបអង្កេតអន្តរជាតិយល់ឃើញថា មាស មុត ស្ថិតនៅក្រោមយុត្តាធិការបុគ្គលរបស់ អ.វ.ត.ក ក្នុងឋានៈជាអ្នកទទួលខុសត្រូវជាន់ខ្ពស់ម្នាក់ និងថា មានភ័ស្តុតាងគ្រប់គ្រាន់ដើម្បីចោទប្រកាន់គាត់ពីបទប្រល័យពូជសាសន៍ ឧក្រិដ្ឋកម្មប្រឆាំងមនុស្សជាតិ ឧក្រិដ្ឋកម្មសង្រ្គាម និងបទល្មើសជាតិដែលស្ថិតនៅក្រោមច្បាប់កម្ពុជា។
សហមេធាវីរបស់ មាស មុត និងសហព្រះរាជអាជ្ញាជាតិ បានដាក់បណ្តឹងឧទ្ធរណ៍ប្រឆាំងនឹងដីកាដំណោះស្រាយ (ដីកាបញ្ជូនរឿងទៅជំនុំជម្រះ) របស់សហចៅក្រមស៊ើបអង្កេតអន្តរជាតិ ចំណែកឯសហព្រះរាជអាជ្ញាអន្តរជាតិបានដាក់បណ្តឹងឧទ្ធរណ៍ប្រឆាំងនឹងដីកាដំណោះស្រាយ (ដីកាសម្រេចលើកលែងការចោទប្រកាន់) របស់សហចៅក្រមស៊ើបអង្កេតជាតិ។ អង្គបុរេជំនុំជម្រះបានបើកសវនាការចំនួនបីថ្ងៃ ដើម្បីសម្រេចលើបណ្តឹងឧទ្ធរណ៍ប្រឆាំងនឹងដីកាដំណោះស្រាយទាំងពីរ កាលពីថ្ងៃទី២៧, ២៨ និង ២៩ ខែវិច្ឆិកា ឆ្នាំ២០១៩។
ជនជាប់ចោទ
ព័ត៌មានថ្មីៗ
- ឯកអគ្គរដ្ឋទូតមិកស៊ីកូដែលមាននិវេសដ្ឋាននៅទីក្រុងបាងកក អញ្ជើញមកបំពេញទស្សនកិច្ចនៅមជ្ឈមណ្ឌលធនធាន អ.វ.ត.ក.26 មេសា 2024
- ឯកអគ្គរដ្ឋទូតតួកគីប្រចាំនៅកម្ពុជា បំពេញទស្សនកិច្ចនៅមជ្ឈមណ្ឌលធនធាន អ.វ.ត.ក.26 មេសា 2024
- ក្រុមប្រឹក្សាអ្នកច្បាប់ប្រមាណ ៤៨រូប អញ្ជើញមកបំពេញទស្សនកិច្ចសិក្សានៅមជ្ឈមណ្ឌលធនធានរបស់ អ.វ.ត.ក.25 មេសា 2024
- សិស្សានុសិស្សប្រមាណ ២៥០នាក់ មកពីវិទ្យាល័យ ហ៊ុន សែន កំពង់ត្រឡាច ចូលរួមកម្មវិធីទស្សនកិច្ចសិក្សារបស់ អ.វ.ត.ក.24 មេសា 2024
- អ.វ.ត.ក. រៀបចំកម្មវិធីផ្សព្វផ្សាយតាមរយៈ មជ្ឈមណ្ឌលធនធានចល័តនៅក្នុងបរិវេណសាកលវិទ្យាល័យភ្នំពេញអាមេរិកកាំង19 មេសា 2024
- អ.វ.ត.ក. ទទួលស្វាគមន៍ទស្សនកិច្ចរបស់ក្រុមប្រឹក្សាអ្នកច្បាប់10 មេសា 2024
- ប្រធានក្លឹបអ្នកកាសែតកម្ពុជា និង ប្រធានការិយាល័យភ្នំពេញទទួលបន្ទុកសារព័ត៌មានក្យូដូ បានធ្វើទស្សនកិច្ចនៅមជ្ឈមណ្ឌលធនធាន អ.វ.ត.ក.8 មេសា 2024
- និស្សិតប្រមាណ ១៥០នាក់ មកពីសាកលវិទ្យាល័យបៀលប្រាយ ខេត្តតាកែវ ចូលរួមកម្មវិធីទស្សនកិច្ចសិក្សារបស់ អ.វ.ត.ក.4 មេសា 2024
- សិស្សានុសិស្សប្រមាណ ២០០នាក់ មកពីស្រុកស្វាយអន្ទរ ចូលរួមកម្មវិធីទស្សនកិច្ចសិក្សារបស់ អ.វ.ត.ក.3 មេសា 2024
- ក្រុម VSR ពិភាក្សាលើសកម្មភាពនិងគម្រោង ដែលគាំពារជនរងគ្រោះសម័យខ្មែរក្រហម29 មីនា 2024