អត្ថបទព័ត៌មាន

អង្គ​ជំនុំ​ជម្រះ​សាលា​ដំបូង​កំណត់​វិសាល​ភាព​នៃ​ការ​ជំនុំ​ជម្រះ​សំណុំ​រឿង ​០០២​/០២​

 អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (“អ.វ.ត.ក”) បានចេញសេចក្តីសម្រេចបំបែកកិច្ចដំណើរការនីតិវិធីថ្មីមួយដោយកំណត់ទីតាំងឧក្រិដ្ឋកម្ម

ប្រទេស​ន័រ​វេ​សន្យា​ផ្តល់​ជំនួយ​ថវិកា​ថ្មី​ចំនួន ​៦ ​លាន​ក្រោន​ដល់ អ.វ.ត.ក

រដ្ឋាភិបាលនៃប្រទេសន័រវេបានប្រកាសសន្យាផ្តល់ជំនួយថវិកាថ្មីចំនួន ៦ លានក្រោន (ប្រហែល១លានដុល្លារអាមេរិក) ដល់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ ជាមួយការសន្យាផ្តល់ថវិកាចុងក្រោយនេះ ប្រទេសន័រវេបានផ្តល់វិភាគទានហិរញ្ញវត្ថុមកកាន់ អ.វ.ត.ក មានចំនួន៧លានដុល្លារអាមេរិក និងបានគាំទ្រចំពោះសាលាក្តីចាប់តាំងពីការបង្កើតដំបូងមកម៉្លេះ។ឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទី និងលោកឃ្នុត រូហ្សិនហក អនុប្រធានការិយាល័យរដ្ឋបាលនៃ អ.វ.ត.ក បានថ្លែងថា៖’ក្នុងនាម អ.វ.ត.ក យើងខ្ញុំសូមថ្លែងអំណរគុណយ៉ាងស្មោះស្ម័គ្រចំពោះជំនួយសប្បុរស និងការបន្តគាំទ្ររបស់រដ្ឋាភិបាលន័រវេចំពោះ អ.វ.ត.ក”។

លោក​ JOHN ​R.W.D. ​JONES ​ត្រូវ​បាន​ចាត់​តាំង​ជា​សហ​មេធាវី​ការ​ពារ​ក្តី​អន្តរ​ជាតិ ​ដើម្បី​តំណាង​ជន​សង្ស័យ​ម្នាក់​នៅ​ក្នុង​សំណុំ​រឿង ​០០៤​

អង្គភាពគាំពារការពារក្តីនៃអង្គជំនុំជម្រះវិសាមញ្ញក្នុងតុលាការកម្ពុជា (“អ.វ.ត.ក”) បានចាត់តាំងលោក John R.W.D. Jones ជនជាតិអង់គ្លេស ជាសហមេធាវីអន្តរជាតិ ដើម្បីតំណាងជនសង្ស័យម្នាក់ក្នុងដីកាសន្និដ្ឋានបញ្ជូនរឿងឲ្យស៊ើបសួរលើកទីបី ដែលសហព្រះរាជអាជ្ញាអន្តរជាតិបានដាក់ជូនការិយាល័យសហចៅក្រមស៊ើបអង្កេត កាលពីថ្ងៃទី ០៧ ខែ កញ្ញា ឆ្នាំ ២០០៩។ ដីកាសន្និដ្ឋានបញ្ជូនរឿងឲ្យស៊ើបសួរលើកទីបី គឺជាផ្នែកមួយនៃសំណុំរឿង ០០៤។     អត្តសញ្ញាណនៃជនសង្ស័យណាម្នាក់ដែលមានឈ្មោះនៅក្នុងដីកាសន្និដ្ឋានបញ្ជូនរឿងឲ្យស៊ើបសួរលើកទីបីនេះ នៅតែរក្សាការសម្ងាត់ដដែល។

គម្រោង​ថវិកា​សម្រាប់​ឆ្នាំ ​២០​១៤​-២០​១៥​ របស់ ​អ.វ.ត.ក ​ត្រូវ​បាន​អនុ​ម័ត​

គម្រោងថវិកាសម្រាប់ឆ្នាំ ២០១៤-២០១៥ របស់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានអនុម័តដោយក្រុមប្រទេសផ្តល់ជំនួយសំខាន់ៗ ហើយក៏បានផ្សព្វផ្សាយនៅលើគេហទំព័ររបស់ អ.វ.ត.ក រួចហើយ។ ថវិកាសរុបសម្រាប់ឆ្នាំ២០១៤ មានចំនួន ៣១,៦ លាន ដុល្លារអាមេរិក  និង សម្រាប់ឆ្នាំ២០១៥ ចំនូន ២៨,៩ លាន ដុល្លារអាមេរិក (តួលេខនេះគឺរួមបញ្ចូលកញ្ចប់ថវិកាសម្រាប់ករណីបន្ទាន់ផងដែរ)  និងត្រូវបានបែងចែកដូចខាងក្រោម៖ឆ្នាំ២០១៤  ភាគីជាតិ     ៦,៤  លាន ដុល្លារអាមេរិកភាគីអន្តរជាតិ     ២៥,២  លាន ដុល្លារអាមេរិក  

ប្រទេស​កាតា​ផ្តល់​វិភាគ​ទាន​​ចំនួន​ ​២០ ​០០០ ​ដុល្លារ​អាមេរិក​ដល់ ​អ.វ​.ត.ក​

 ប្រទេសកាតាបានប្រកាសផ្តល់វិភាគទានជាទឹកប្រាក់ចំនួន ២០ ០០០ ដុល្លារអាមេរិកដល់ភាគីជាតិនៃអង្គជំនុំ ជម្រះវិសាមញ្ញក្នុងតុលាការកម្ពុជា (អ.វ.ត.ក)។ នៅក្នុងលិខិតដែលបានប្រកាសពីវិភាគទានថ្មីនេះ ស្ថានបេសកកម្ម អចិន្ត្រៃយ៍នៃប្រទេសកាតាប្រចាំអង្គការសហប្រជាជាតិ បានលើកឡើងថា ការផ្តល់វិភាគទាននេះធ្វើឡើងជាការឆ្លើយ តបទៅនឹងសេចក្តីអំពាវនាវរបស់ឯកឧត្តម បាន គីមូន អគ្គលេខាធិការ អ.ស.ប ដល់រដ្ឋសមាជិកទាំងអស់សូមជួយផ្តល់នូវការគាំទ្រផ្នែកហិរញ្ញវត្ថុជាបន្ទាន់ ដល់ អ.វ.ត.ក។

សំណងដ៏​មាន​អត្ថ​ន័យ​សម្រាប់​ជន​រង​គ្រោះ​របប​ខ្មែរ​ក្រហម​

រហូតមកដល់ពេលនេះ មានជំនួយជ្រោមជ្រែងយ៉ាងច្រើនសម្រាប់គម្រោងសំណងដែលដើមបណ្តឹងរដ្ឋប្បវេណី បានស្នើសុំនៅក្នុងសំណុំរឿង ០០២/០១ ប៉ុន្តែក៏នៅមានកង្វះខាតមូលនិធិនៅឡើយ ដូច្នេះនៅតែមានឱកាសផ្សេងៗដែលម្ចាស់ជំនួយសក្តានុពល អាចចូលរួមជួយសម្រេចគម្រោងទាំងនេះ ដែលនឹងផ្តល់ប្រយោជន៍ដល់ជនរងគ្រោះរបបកម្ពុជាប្រជាធិបតេយ្យពីឆ្នាំ ១៩៧៥ ដល់ ឆ្នាំ ១៩៧៩។

សេចក្តី​ប្រកាស​ព័ត៌​មាន​របស់​​លោក​​ស្រី ​​អេ​លី​​ហ្សា​​ប៊ែត​ ​ស៊ី​​ម៉ូ​ណូ-​ហ្វ័រ ​សហ​មេធាវី​នាំ​មុខ​អន្តរ​ជាតិ​តំណាង​ដើម​បណ្តឹង​រដ្ឋ​ប្ប​វេណី​

ខ្ញុំសូមជម្រាបជូនសាធារណជនឲ្យបានជ្រាបថា ចាប់ពីដំណាច់ខែឧសភា ឆ្នាំ ២០១៤ តទៅ ខ្ញុំនឹងលាលែងចេញពីតំណែងរបស់ខ្ញុំនៅអង្គជំនុំជម្រះវិសាមញ្ញក្នុងតុលាការកម្ពុជា។ នាឱកាសនេះ ខ្ញុំសូមបញ្ជាក់ថា វាគឺជាកិត្តិយសមួយ ក្នុងការបង្ហាញនូវតូនាទីរបស់សហមេធាវីនាំមុខ ចំពោះការចូលរួម និងការតំណាង របស់ដើមបណ្តឹងរដ្ឋប្បវេណីនៅក្នុងយុត្តិធម៌អន្តរជាតិ។ ខ្ញុំនឹងមិនបន្តទទួលបន្ទុកសំណុំរឿង០០២/០២ទៀតទេ ដោយសារតែមូលហេតុផ្ទាល់ខ្លួន និងវិជ្ជាជីវៈ។ កាលពីប៉ុន្មានខែចុងក្រោយនេះ ខ្ញុំបានបន្តបំពេញតួនាទីរបស់ខ្ញុំក្នុងនាមជាសហមេធាវីនាំមុខអន្តរជាតិតំណាងដើមបណ្តឹងរដ្ឋប្បវេណីដោយធ្វើការពីប្រទេសបារាំងនិងមិនយកប្រាក់កម្រៃ។

លោក​ស្រី​ SU​ZA​NA​ TO​MAN​O​VIĆ​ ត្រូវ​បាន​ចាត់​តាំង​ជា​មេធាវី​ការ​ពារ​ក្តី​ ដើម្បី​តំណាង​ជន​សង្ស័យ​ម្នាក់​នៅ​ក្នុង​សំណុំ​រឿង ​០០៤​

អង្គភាពគាំពារការការពារក្តីនៃអង្គជំនុំជម្រះវិសាមញ្ញក្នុងតុលាការកម្ពុជា (“អ.វ.ត.ក”) បានចាត់តាំងលោកស្រី Suzana Tomanović ជាសហមេធាវីអន្តរជាតិ ដើម្បីតំណាងជនសង្ស័យម្នាក់មានឈ្មោះក្នុងដីកាសន្និដ្ឋានបញ្ជូនរឿងឲ្យស៊ើបសួរលើកទីបី ដែលសហព្រះរាជអាជ្ញាអន្តរជាតិបានដាក់ជូនការិយាល័យសហចៅក្រមស៊ើបអង្កេត កាលពីថ្ងៃទី ០៧ ខែ កញ្ញា ឆ្នាំ ២០០៩។ ដីកាសន្និដ្ឋានបញ្ជូនរឿងឲ្យស៊ើបសួរលើកទីបី គឺជាផ្នែកមួយនៃសំណុំរឿង ០០៤។     អត្តសញ្ញាណនៃជនសង្ស័យណាម្នាក់ដែលមានឈ្មោះនៅក្នុងដីកាសន្និដ្ឋានបញ្ជូនរឿងឲ្យស៊ើបសួរលើកទីបី នៅតែរក្សាការសម្ងាត់ដដែល។

សវ​​នា​​ការ​ស្តាប់​ទឡ្ហី​ករណ៍​ផ្ទាល់​មាត់​មុ​ន​ដំណើរ​ការ​​ស​វ​​នា​​ការ​​​​លើ​​ភស្តុ​​តាង​​នៅ​​ក្នុង​​សំណុំ​​រឿង ​​០០២​​/០២ ​

       អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងបើកសវនាការស្តាប់ទឡ្ហីករណ៍ផ្ទាល់មាត់មួយ នៅថ្ងៃទី១១ ខែកុម្ភៈ ឆ្នាំ ២០១៤  ដោយចាប់ផ្តើមពីម៉ោង ៩ ព្រឹកតទៅ ដើម្បីស្តាប់ការលើកអំណះអំណាងដោយផ្ទាល់មាត់លើវិសាលភាពនៃសំណុំរឿង ០០២/០២ និងសំណើរបស់ក្រុមមេធាវីការពារក្តីជនជាប់ចោទ ខៀវ សំផន ដែលថា សំណុំរឿង ០០២/០១ គួរតែត្រូវបានបញ្ចប់ជាស្ថាពរសិន មុននឹងចាប់ផ្តើមសវនាការលើភស្តុតាងនៅក្នុងសំណុំរឿង ០០២/០២។ ក្នុងករណី សវនាការនេះ មិនអាចបញ្ចប់នៅថ្ងៃទី១១ ខែកុម្ភៈដូចការគ្រោងទុក នឹងត្រូវបន្តនៅថ្ងៃបន្ទាប់។

អគ្គលេខាធិការរងទទួលបន្ទុកផ្នែកច្បាប់ និងអគ្គហិរញ្ញិក អ.ស.ប ទស្សនកិច្ច អ.វ.ត.ក

ថ្លែងទៅកាន់បុគ្គលិកជាតិ និងអន្តរជាតិនៅសាលាក្តីខ្មែរក្រហមកាលពីថ្ងៃទី២៨ ខែមករា ឆ្នាំ ២០១៤ អគ្គលេខាធិការរងអង្គការសហប្រជាជាតិទទួលបន្ទុកផ្នែកច្បាប់ លោក មីហ្គែល ដឺ ស៊ែប៉ា សៅរែស បានធានាអះអាងថាអង្គការសហប្រជាជាតិបានប្តេជ្ញាចិត្តក្នុងការគាំទ្រអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ក.ត) ប្រឆាំងនឹងនិរទណ្ឌ ភាពនៃឧក្រិដ្ឋកម្មរបស់អតីតរបបខ្មែរក្រហម។

លោក​ ប៊ិត ​ស៊ាង​លីម​ និង​ លោក​ សូ​ មូ​ស្សេ​ន្នី​ ត្រូវ​បាន​ចាត់​តាំង​ជា​មេ​ធា​វី​ការ​ពារ​ក្តី ដើ​ម្បី​តំណាង​ជន​សង្ស័យ​ពីរ​រូប​ក្នុង​សំណុំ​រឿង ​០០៤​

អង្គភាពគាំពារការការពារក្តីនៃអង្គជំនុំជម្រះវិសាមញ្ញក្នុងតុលាការកម្ពុជា (“អ.វ.ត.ក”) បានចាត់តាំងលោក ប៊ិត ស៊ាងលីម និង លោក សូ មូស្សេន្នី ជាសហមេធាវីជាតិ តំណាងជនសង្ស័យពីររូបផ្សេងគ្នា ដែលមានឈ្មោះក្នុងដីកាសន្និដ្ឋានបញ្ជូនរឿងឲ្យស៊ើបសួរលើកទីបី ដោយសហព្រះរាជអាជ្ញាអន្តរជាតិបានដាក់ទៅកាន់ការិយាល័យសហចៅក្រមស៊ើបអង្កេត កាលពីថ្ងៃទី ០៧ ខែ កញ្ញា ឆ្នាំ២០០៩។ ដីកាសន្និដ្ឋានបញ្ជូនរឿងឲ្យស៊ើបសួរលើកទីបី គឺជាផ្នែកនៃសំណុំរឿង ០០៤ ។    អត្តសញ្ញាណនៃជនសង្ស័យណាមួយ ដែលមានឈ្មោះនៅក្នុងដីកាសន្និដ្ឋានបញ្ជូនរឿងឲ្យស៊ើបសួរលើកទីបីនៅតែរក្សាជាការសម្ងាត់ដដែល។    

លោក​ NICHOLAS​ KOUMJIAN​ ត្រូវ​បាន​តែង​តាំង​ជា​សហ​ព្រះ​រាជ​អាជ្ញា​អន្តរ​ជាតិ​ថ្មី ​

ក្រោយពីបានទទួលការចាត់តាំងពីលោក បាន គីមូន (Ban Ki-moon) អគ្គលេខាធិការអង្គការសហប្រជាជាតិ និងទទួលបានការតែងតាំងពីឧត្តមក្រុមប្រឹក្សានៃអង្គចៅក្រម សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ទ្រង់បានតែងតាំងលោក Nicholas Koumjian (សញ្ជាតិអាមេរិក) ជាសហព្រះរាជអាជ្ញាអន្តរជាតិថ្មីនៃអង្គជំនុំជម្រះវិសាមញ្ញក្នុងតុលាការកម្ពុជា (“អ.វ.ត.ក”)។

អង្គ​ជំនុំ​ជម្រះ​សាលា​ដំបូង​នឹង​បើក​កិច្ច​ប្រជុំ​រៀប​ចំ​សវ​នា​ការ​លើ​សំណុំ​រឿង​ ០០២​/០២​

អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងបើកកិច្ចប្រជុំរៀបចំសវនាការលើសំណុំរឿង ០០២/០២  ប្រឆាំងនឹង ខៀវ សំផន និង នួន ជា នៅថ្ងៃ ពុធ ទី ១១ ខែ ធ្នូ ឆ្នាំ ២០១៣ វេលាម៉ោង ០៩:០០ ព្រឹក។  កិច្ចប្រជុំនេះនឹងបន្តរហូតដល់ថ្ងៃព្រហស្បតិ៍ទី ១២ ខែ ធ្នូ ហើយប្រសិនបើចាំបាច់ នឹងបន្តទៅដល់ថ្ងៃសុក្រ ទី ១៣ ខែ ធ្នូ ឆ្នាំ ២០១៣។        អង្គជំនុំជម្រះសាលាដំបូងបានជូនដំណឹងដល់ភាគីទាំងអស់រួចមកហើយថា ប្រធានបទដូចខាងក្រោមនេះ នឹងត្រូវបានយកមកពិភាក្សាគ្នានៅក្នុងកិច្ចប្រជុំនេះ៖

អង្គ​ជំនុំ​ជម្រះ​សាលា​ដំបូង​ចង្អុល​បង្ហាញ​ពី​គម្រោង​ផែន​ការ​ថ្ងៃ​ខាង​មុខ​សម្រាប់​សំណុំ​រឿ​ង ​០០២​/០២​

នៅថ្ងៃនេះ អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា​បាន​ចេញ​អនុស្ស​រណៈ​​មួយ​​ដោយ​​បាន​​ជូន​​ដំណឹង​​ដល់​​ភាគី​​ទាំង​អស់​នៃ​សំណុំ​រឿង ០០២ អំពីដំណាក់កាលបន្ទាប់មកទៀតសម្រាប់ការជំនុំជម្រះនៅក្នុងដំណាក់កាលទីពីរនេះ។ អនុស្សរណៈ ដោយមានភ្ជាប់ជាមួយនូវផែនការការងារដែលបានគូស បញ្ជាក់ពីដំណាក់កាលសំខាន់ៗ និងសកម្មភាពចាំបាច់មួយចំនួន មុនពេលចាប់ផ្តើមសវនាការលើអង្គសេចក្តីនៅក្នុងសំណុំរឿង ០០២/០២ នោះ គឺត្រូវបានធ្វើឡើងភ្លាមៗបន្ទាប់ពីមានសេចក្តីសម្រេចរបស់ប្រធានអង្គជំនុំជម្រះសាលាដំបូងកាលពីសប្តាហ៍មុន ដែលមិនស្នើឲ្យបង្កើតក្រុមប្រឹក្សាជំនុំជម្រះទីពីរដើម្បីជំនុំជម្រះក្នុងដំណាក់កាលទីពីរនោះទេ។

សវ​នា​ការ​ធ្វើ​សេចក្តី​សន្និ​ដ្ឋាន​បញ្ចប់​កិច្ច​ពិភាក្សា​ដេញ​ដោល​លើ​សំណុំ​រឿង ​០០២​/០១ ​បាន​បិទ​បញ្ចប់​នៅ​ថ្ងៃ​នេះ​

អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានបញ្ចប់សវនាការធ្វើសេចក្តីសន្និដ្ឋានបញ្ចប់កិច្ចពិភាក្សាដេញដោលលើសំណុំរឿង ០០២/០១ ដែលមានរយៈពេល ១០ ថ្ងៃ ពាក់ព័ន្ធនឹងជនជាប់ចោទ នួន ជា និង ខៀវ សំផន នៅថ្ងៃទី ៣១ ខែ តុលា ឆ្នាំ ២០១៣។ នាពេលនេះ អង្គជំនុំជម្រះត្រូវធ្វើការពិភាក្សាដើម្បីសម្រេច ហើយរំពឹងថា សាលក្រមលើសំណុំរឿងនេះនឹងត្រូវចេញនៅក្នុងអំឡុងពេលឆមាសទីមួយឆ្នាំ ២០១៤។

សេចក្តីប្រកាសរបស់សហព្រះរាជអាជ្ញាអន្តរជាតិ Andrew Cayley

ដោយបានដាក់លិខិតលាលែងពីតំណែងរបស់ខ្ញុំជូនអគ្គលេខាធិការនៃអង្គការសហប្រជាជាតិនៅខែសីហា ឆ្នាំ ២០១៣ ខ្ញុំនឹងលាឈប់ពីអង្គជំនុំជម្រះវិសាមញ្ញក្នុងតុលាការកម្ពុជា(អ.វ.ត.ក) នៅថ្ងៃទី ១៦ ខែកញ្ញា ឆ្នាំ ២០១៣ ខាងមុខនេះ ដោយសារមូលហេតុផ្ទាល់ខ្លួន។ ខ្ញុំនឹងទៅរស់នៅជាមួយគ្រួសារខ្ញុំ ដែលបានត្រឡប់មកពីប្រទេសកម្ពុជាវិញកាលពីខែមិថុនា ឆ្នាំ ២០១៣។ តាមការរំពឹងទុក សហព្រះរាជអាជ្ញាអន្តរជាតិបម្រុង Nicholas Koumjian នឹងមកដល់ប្រទេសកម្ពុជា នៅខែតុលា ឆ្នាំ ២០១៣។

សេចក្តីប្រកាសព័ត៌មានរបស់អង្គភាពគាំពារការការពារក្តី

អង្គភាពគាំពារការការពារក្តីនៃអង្គជំនុំជម្រះវិសាមញ្ញក្នុងតុលាការកម្ពុជា សូមជូនដំណឹងពីមរណភាពរបស់ លោក Jacques Verges សហមេធាវីអន្តរជាតិការពារក្តីជនជាប់ចោទ ខៀវ សំផន កាលពីថ្ងៃទី១៥ ខែសីហា ឆ្នាំ២០១៣ ។ លោក Jacques Verges បានធ្វើមរណភាពនៅប្រទេសបារាំងក្នុងអាយុ ៨៨ ឆ្នាំ ក្រោយពីបានប្រកបវិជ្ជាជីវៈយ៉ាងយូរក្នុងរឿងក្តីព្រហ្មទណ្ឌ ដែលបានការពារកូនក្តីមានឈ្មោះបោះសំឡេងជាច្រើននៅជុំវិញពិភពលោក។ លោក Verges បានការពារក្តីលោក ខៀវ សំផន ចាប់តាំងពីខែវិច្ឆិកា ឆ្នាំ២០០៧ នៅពេលដែលជនជាប់ចោទរូបនេះត្រូវបានឃុំខ្លួនបណ្តោះអាសន្ន នៅ អ.វ.ត.ក ។ ប៉ុន្មានឆ្នាំចុងក្រោយនេះ លោក Verges មិនសូវបង្ហាញវត្តមាននៅ អ.វ.ត.ក ទេ ។ លោក ខៀវ សំផន ត្រូវបានក

ការកែសម្រួលកាលបរិច្ឆេទសម្រាប់ដាក់សេចក្តីសន្និដ្ឋានបញ្ចប់ការពិភាក្សាដេញដោលលើសំណុំរឿង ០០២/០១

នៅក្នុងអនុស្សរណៈ ចុះថ្ងៃទី ២២ ខែ សីហា ឆ្នាំ ២០១៣ អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជាបានប្រកាសអំពីការកែសម្រួលកាលបរិច្ឆេទសម្រាប់ការដាក់សេចក្តីសន្និដ្ឋានបញ្ចប់ការពិភាក្សាដេញដោលលើសំណុំរឿង ០០២/០១។ ឥឡូវនេះ កាលបរិច្ឆេទកំណត់សម្រាប់ការដាក់សេចក្តីសន្និដ្ឋានបញ្ចប់ការពិភាក្សាដេញដោលរបស់ភាគី ត្រូវបានបន្ថែមពេលមួយសប្តាហ៍ រហូតដល់ថ្ងៃទី ១៩ ខែ កញ្ញា ដោយសារអង្គជំនុំជម្រះបានទទួលយកឯកសារភ័ស្តុតាងបន្ថែមប្រហែល ២ ០០០ ឯកសារទៀត ចាប់តាំងពីខ្លួនបានប្រកាសអំពីកាលបរិច្ឆេទដើម កាលពីថ្ងៃទី ២៤ ខែ កក្កដា។ សវនាការស្តាប់សេចក្តីសន្និដ្ឋានបញ្ចប់ការពិភាក្សាដេញដោល ត្រូវបានកែសម្រួលឲ្យមកចាប់ផ្តើមនៅថ្ងៃទី

អគ្គ​ទេសាភិបាល​នៃ​ប្រទេស​ណូវ៉ែល​ហ្សេឡង់​ប្រកាស​សន្យា​ផ្តល់​ថវិកា​បន្ថែម​ ក្នុង​អំឡុង​ពេល​ធ្វើ​ទស្សន​កិច្ច​នៅ ​អ.វ.ត.ក​

ថ្ងៃនេះ ឯកឧត្តមឧត្តមសេនីយ៍ឯក Jerry Mateparae អគ្គទេសាភិបាលនៃប្រទេសណូវ៉ែលហ្សេឡង់ បានប្រកាសសន្យាផ្តល់ថវិកាបន្ថែមចំនួន ២០០.០០០ ដុល្លារណូវ៉ែលហ្សេឡង់ ជូនអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ក្នុងអំឡុងពេលដែលឯកឧត្តមមកធ្វើទស្សនកិច្ចនៅ អ.វ.ត.ក ដើម្បីបង្ហាញនូវការគាំទ្ររបស់ប្រទេសឯកឧត្តមចំពោះតុលាការនេះ។ ថវិកាដែលបានសន្យានេះគឺផ្តល់ជូនទៅភាគីជាតិនៃ អ.វ.ត.ក។ឯកឧត្តមអគ្គទេសាភិបាលបានដឹកនាំគណៈប្រតិភូចំនួន ១៤ រូបមកកាន់ អ.វ.ត.ក ក្នុងអំឡុងពេលឯកឧត្តម ធ្វើទស្សនកិច្ចផ្លូវរដ្ឋក្នុងប្រទេសកម្ពុជា។ នេះគឺជាលើកទីមួយហើយដែលមេដឹកនាំមួយរូបដែលមានឋានៈជាប្រមុខរដ្ឋបានមកទស្សនកិច្ចនៅ អ.វ.ត.ក។

សវនាការ​ធ្វើ​សេចក្តី​សន្និ​ដ្ឋាន​បិទ​បញ្ចប់​កិច្ច​ពិភាក្សា​ដេញ​ដោល​ក្នុង​សំណុំ​រឿង​០០២​/០១ ​នឹង​ចាប់​ផ្តើម​ធ្វើ​នៅ​ថ្ងៃ​ទី​៩ ​ខែ​តុលា ​ឆ្នាំ​ ២០១៣​

អង្គ​ជំនុំ​ជម្រះ​សាលា​ដំបូង​នៃ​អង្គ​ជំនុំ​ជម្រះ​វិសា​មញ្ញ​ក្នុង​តុលា​ការ​កម្ពុជា​ (អ.វ.ត.ក) បាន​ប្រកាស​ថា​សវនាការ​ ធ្វើ​​សេចក្តី​សន្និ​ដ្ឋាន​បិទ​បញ្ចប់​កិច្ច​ពិភាក្សា​ដេ​ញ​ដោល​ក្នុង​សំណុំ​រឿង​០០២​/០១ ​នឹង​ចាប់​ផ្តើម​ធ្វើ​នៅ​ថ្ងៃ​ទី ​៩ ​ខែ ​តុលា ​ឆ្នាំ ​២០១៣ ​វេលាម៉ោង ​៩ ​ព្រឹក​ ហើយ​នឹង​បន្ត​រហូត​ដល់​ថ្ងៃ​ទី​២២ ​ខែតុលា​ ឆ្នាំ​២០១៣​។ ភាគី​សហ​ព្រះ​រាជ​អាជ្ញា​នឹង​មាន​រយៈ​ពេល ​៣ ​ថ្ងៃ​ ភាគី​សហ​មេធាវី​នាំមុខ​តំណាង​ដើម​បណ្តឹង​រដ្ឋប្ប​វេណី ​មាន​ពេល​វេលាចំ​នួន ​១ ​ថ្ងៃ​ ហើយ​ភាគី​មេធាវី​ការពារក្តី​ឲ្យ​ជន​ជាប់​ចោទ ​នួន ​ជា ​និង​ខៀវ ​សំផន ​នឹង​មាន​ពេល​វេលា ​២ ​ថ្ងៃ​សម្រាប់​ក្រុម​នីមួយ ​ធ្វើ​សេចក្តី​សន្

អង្គ​ជំនុំ​ជម្រះ​តុលា​ការ​កំពូល​បង្គាប់​ឱ្យ​ស្វែង​រក​លទ្ធ​ភាព​បង្កើត​ក្រុម​ប្រឹក្សា​ជំនុំ​ជម្រះ​ទី​ពីរ​ ហើយ​ច្រាន​ចោល​បណ្តឹង​សាទុក្ខ​ប្រឆាំង​នឹង​វិសាល​ភាព​នៃ​សំណុំ​រឿង​ ០០២​/០១​

នៅ​ថ្ងៃ​ទី​ ២៣ ​ខែ ​កក្កដា ​ឆ្នាំ ​២០១៣ ​អង្គ​ជំនុំ​ជម្រះ​តុលា​ការ​កំពូល​នៃ​អង្គ​ជំនុំ​ជម្រះ​វិសាមញ្ញ​នៅ​ក្នុង​តុលា​ការ​កម្ពុជា ​(អ.វ.ត.ក​) ចេញ​សេចក្តី​សង្ខេប​នៃ​សេចក្តី​សម្រេច​របស់​ខ្លួន​ស្តីពី​បណ្តឹង​សាទុក្ខ​ភ្លាមៗ​របស់​សហ​ព្រះរាជ​អាជ្ញា ​និង ​នួន ​ជា ​ប្រឆាំង​នឹង​សេចក្តី​សម្រេច​ទីពីរ​របស់​អង្គ​ជំនុំ​ជម្រះ​សាលា​ដំបូង​ក្នុង​ការ​បំបែក​សំណុំ​រឿង ​០០២ ​ទៅ​ជា​ការ​​ជំនុំ​ជម្រះ​ជា​បន្ត​បន្ទាប់​ដាច់​ដោយ​ឡែក​ពីគ្នា​។

អូស្រ្តាលី​សន្យា​ផ្តល់ជំនួយថ្មី​បន្ថែម​ចំនួន​៣,២៥ ​លាន​ដុល្លារ​អូស្ត្រាលី​ដល់​ អ.វ.ត.ក​

   រដ្ឋាភិបាលនៃប្រទេសអូស្ត្រាលី បានសន្យាផ្តល់ជំនួយថ្មីបន្ថែមទៀត ចំនួនទឹកប្រាក់ ៣,២៥ លានដុល្លារអូស្ត្រាលីដល់ភាគីអន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។រដ្ឋមន្ត្រីក្រសួងការបរទេសអូស្ត្រាលី លោកព្រឹទ្ធសមាជិក ប៊ប់ ខា (Bob Carr) បានប្រកាសពីការ សន្យាផ្តល់ជំនួយថវិកាថ្មីនេះ កាលពីថ្ងៃទី១៨ ខែមិថុនា ឆ្នាំ ២០១៣ កន្លងទៅ។ លោករដ្ឋមន្ត្រី ប៊ប់ ខា មានប្រសាសន៍នៅក្នុងសេចក្តីថ្លែងការណ៍ជាផ្លូវការថា៖ “សវនាការរបស់ អ.វ.ត.ក ដើរតួនាទីយ៉ាងសំខាន់មួយនៅក្នុងការផ្តល់យុត្តិធម៌ជូនដល់ពលរដ្ឋខ្មែរដែលទទួលរងគ្រោះឈឺចាប់ខ្លោចផ្សាមិនអាចពិពណ៌នាបាននៅក្នុងអំឡុងរបបខ្មែរក្រហម”។

កាំង​ ហ្កេកអ៊ាវ ​ហៅ ​ឌុច ​ត្រូវបាន​បញ្ជូន​ពីមន្ទីរ​ឃុំឃាំង​ អ.វ.ត.ក ​ទៅកាន់​ពន្ធនាគារខេត្តកណ្តាល

នៅថ្ងៃទី៣ ខែកុម្ភៈ ឆ្នាំ២០១២ កាំង ហ្កេកអ៊ាវ ត្រូវបានផ្តន្ទាទោសដាក់ពន្ធនាគារអស់មួយជីវិតដោយអង្គជំនុំជម្រះតុលាការកំពូល នៃអង្គជំនុំជម្រះវិសាមញ្ញក្នុងតុលាការកម្ពុជា។ នៅថ្ងៃដដែល សហព្រះរាជអាជ្ញា បានដាក់សំណើមួយសុំឲ្យអនុវត្តទោសស្របទៅតាមវិធាន១១៣(១) នៃវិធានផ្ទៃក្នុង។ សហព្រះរាជអាជ្ញាបានស្នើសុំថា៖    ១.    កាំង ហ្កេកអ៊ាវ ត្រូវបន្តនៅមន្ទីរឃុំឃាំង អ.វ.ត.ក រហូតដល់បញ្ចប់ការផ្តល់សក្ខីកម្មរបស់        គាត់ក្នុងសំណុំរឿង ០០២ ដែលបានកំណត់ពេលរួចហើយ និង

ការបំបែក​សវនាការ​ក្នុង​សំណុំរឿង ០០២ និង នួន ជា មាន​​កាយសម្បទា​​និង​​បញ្ញា​ស្មារតី​​គ្រប់គ្រាន់​​ក្នុងការ​​ចូលរួម​​ការជំនុំជម្រះក្តី

នៅក្នុងការជូនដំណឹងពីរនៅថ្ងៃទី២៩ ខែមីនា ឆ្នាំ២០១៣ អង្គជំនុំជម្រះសាលាដំបូងសន្និដ្ឋានថា នួន ជា មានកាយសម្បទានិងបញ្ញាស្មារតីគ្រប់គ្រាន់ក្នុងការចូលរួមការជំនុំជម្រះក្តី និងថា សំណុំរឿង ០០២ នឹងត្រូវបំបែកជាសវនាការតូចៗ។ អង្គជំនុំជម្រះសាលាដំបូងប្រកាសថា ប្រធានបទនៃការពិភាក្សានៅក្នុងសវនាការដំណាក់កាលទី១នៃសំណុំរឿង ០០២ គឺបទចោទប្រកាន់នៅក្នុងដីកាសន្និដ្ឋានដែលពាក់ព័ន្ធនឹង៖១) ការជម្លៀសប្រជាជនចេញពីទីក្រុងភ្នំពេញដោយបង្ខំនៅខែមេសា ឆ្នាំ១៩៧៥២) ការជម្លៀសប្រជាជននៅដំណាក់កាលទីពីរ ដែលចាប់ផ្តើមពីខែកញ្ញា ឆ្នាំ១៩៧៥៣) ការសម្លាប់អតីតទាហាន លន់ ណុល នៅទួលពោធិ៍ជ្រៃ ក្នុងខេត្តពោធិសាត់។

Pagination