អត្ថបទព័ត៌មាន

ជប៉ុន​ផ្តល់​ជំនួយ​ហិរ​ញ្ញ​វត្ថុ​ថ្មី​ចំនួន ​១.២ ​លាន​ដុល្លារ​អាមេ​រិក​ដល់ ​អ.វ​.ត​.​ក

រដ្ឋាភិបាលជប៉ុនបានប្រកាសផ្តល់វិភាគទានថ្មីបន្ថែមចំនួន ១ ២២១ ៨១៨ ដុល្លារអាមេរិកដល់ភាគីអន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ រដ្ឋាភិបាលជប៉ុន គឺជាប្រទេសម្ចាស់ជំនួយធំជាងគេរបស់ អ.វ.ត.ក ហើយបានផ្តល់ការគាំទ្រចំពោះតុលាការនេះចាប់តាំងពីដំណើរការដំបូងមកម្ល៉េះ។ ជាមួយការផ្តល់វិភាគទានថ្មី នេះ ជំនួយហិរញ្ញវត្ថុដែលប្រទេសជប៉ុនបានផ្តល់ដល់ អ.វ.ត.ក សរុបចំនួនជាង ៨៣ លានដុល្លារអាមេរិក។ ឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទី និងលោក ឃ្នុត រ៉ូហ្សិនហក អនុប្រធានការិយាល័យរដ្ឋបាល មានប្រសាសន៍ថា៖“ក្នុងនាម អ.វ.ត.ក យើងខ្ញុំសូមថ្លែងអំណរគុណចំពោះរដ្ឋាភិបាលជប៉ុនដែលបានគាំទ្រ និង

សវ​នា​ការ​សួរ​ដេញ​ដោល​លើ​ភស្តុ​តាង​ក្នុង​សំណុំ​រឿង ​០០២​/០២ ​ឈាន​ដល់​អង្គ​ហេតុ​ការ​ប្រព្រឹត្ត​ចំពោះ​ជន​ជាតិ​វៀត​ណាម​

សវនាការសួរដេញដោលលើភស្តុតាងក្នុងសំណុំរឿង ០០២/០២ នឹងចាប់ផ្តើមបន្តនៅថ្ងៃទី ៣០ ខែ វិច្ឆិកា ឆ្នាំ ២០១៥ ជាមួយនឹងការផ្តល់សក្តីកម្មរបស់សាក្សីមួយរូបទាក់ទងនឹងអង្គហេតុ ការដ្ឋានការងារទំនប់ត្រពាំងថ្ម។ បន្ទាប់មក អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងស្តាប់ភស្តុតាងទាក់ទងនឹងការចោទប្រកាន់ពីបទប្រល័យពូជសាសន៍ និង ឧក្រិដ្ឋកម្មផ្សេងទៀតដែលត្រូវបានចោទប្រកាន់ថា បានអនុវត្តប្រឆាំងនឹងជនជាតិភាគតិចវៀតណាមនៅកម្ពុជា ក្នុងរយៈកាលនៃរបបកម្ពុជាប្រជាធិបតេយ្យ។ សាក្សី និង ដើមបណ្តឹងរដ្ឋប្បវេណីចំនួន ១០ រូប ត្រូវបានកំណត់កាលបរិច្ឆេទសម្រាប់ការផ្តល់សក្ខីកម្មនៅក្នុងអំឡុងពេលសវនាការលើផ្នែកនេះក្

ព័ត៌មាន​ជុំវិញ​បណ្ដឹង​សាទុក្ខក្នុង​សំណុំ​រឿង ០០២/០១

តុលាការកំពូលនឹងបើកសវនាការលើបណ្ដឹងសាទុក្ខក្នុងសំណុំរឿង០០២/០១ ប្រឆាំង ខៀវ សំផន និង នួន ជានៅថ្ងៃទី ១៧ ១៨ និង ១៩ ខែ វិច្ឆិកា ឆ្នាំ ២០១៥។នៅក្នុងទំព័រនេះ យើងបានប្រមូលព័ត៌មានដែលទាក់ទងមួយចំនួនអំពីដំណើរការនៃបណ្ដឹងសាទុក្ខនេះ។Detailed time table for the hearings

អូ​ស្ត្រា​លី​សន្យា​ផ្តល់​ជំនួយ​ថវិកា​បន្ថែម​ចំនួន ​៣ ២​៥០​ ០០០ ​ដុល្លារ​អូស្ត្រាលី​ដល់​ អ.វ​.ត.​ក​

រដ្ឋាភិបាលអូស្ត្រាលីបានសន្យាផ្តល់ជំនួយថវិកាថ្មីចំនួន ៣ ២៥០ ០០០ ដុល្លារអូស្ត្រាលី ដល់ភាគីអន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា ( អ.វ.ត.ក)។ ជាមួយជំនួយថ្មីនេះ រដ្ឋាភិបាលអូស្ត្រាលីបានផ្តល់ថវិកាសរុបជាង ២៩ លានដុល្លារអូស្ត្រាលី។ អូស្ត្រាលីជាប្រទេសម្ចាស់ជំនួយធំទី២ របស់អ.វ.ត.កដែលបានគាំទ្រតុលាការនេះ តាំងពីការចាប់ផ្តើមដំណើរការមក។ ឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទី និងលោក ឃ្នុត រ៉ូហ្សិនហក អនុប្រធានការិយាល័យរដ្ឋបាលនៃអ.វ.ត.ក បានមានប្រសាសន៍ថា៖ «ក្នុងនាម អ.វ.ត.ក យើងខ្ញុំសូមសម្តែងនូវកតវេទិតាគុណចំពោះការបន្តការគាំទ្ររបស់រាជរដ្ឋាភិបាលអូស្ត្រាលី។ វិភាគទានថ្មីនេះ នឹងជួយ អ

បទ​ចោទ​ប្រកាន់​អំពី​ឧក្រិ​ដ្ឋ​កម្ម​ប្រល័យ​ពូជ​សាសន៍​នឹង​ត្រូវ​លើក​មក​សួរ​ដេញ​ដោល​ជា​លើក​ដំបូង​នៅ​ចំពោះ​មុខ ​អ.​វ.​ត​.​ក

ចាប់ពីថ្ងៃទី ០៧ ខែ កញ្ញា ឆ្នាំ ២០១៥ តទៅ ហើយក៏ជាលើកទី១ដែរ ដែលអង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងបើកសវនាការដេញដោលលើភស្តុតាងទាក់ទងនឹងបទចោទប្រកាន់ពីឧក្រិដ្ឋកម្មប្រល័យពូជសាសន៍ នៅពេលដែលការជំនុំជម្រះក្តីលើសំណុំរឿង ០០២/០២ ប្រឆាំងនឹងជនជាប់ចោទ ខៀវ សំផន និង នួន ជា បានឈានដល់ការជំនុំជម្រះលើអង្គហេតុថ្មីមួយទៀតផ្តោតលើការចោទប្រកាន់ទាក់ទងនឹងការប្រព្រឹត្តទៅលើក្រុមជនជាតិចាម។ សាក្សី និង ដើមបណ្តឹងរដ្ឋប្បវេណីចំនួន ១៤ រូប និង អ្នកជំនាញ ១រូប នឹងត្រូវកោះហៅមកផ្តល់សក្ខីកម្មនៅអំឡុងពេលនៃការជំនុំជម្រះលើអង្គហេតុនេះ។ជនជាតិចាមគឺជាជនជាតិភាគតិចមួយនៅក្នុងប្រទេសកម្ពុជាដែលមានភ

កម្ម​វិធី​វិទ្យុ​ប្រចាំ​សបា្តហ៍​របស់ ​អ.​វ​.​ត.​​ក​ ចាប់​ផ្តើម​ផ្សាយ​ឡើង​វិញ​នៅ​ថ្ងៃ​ទី​១០​ ខែ​កញ្ញា ​ឆ្នាំ ​២០១៥​ នៅ​លើ​រលក​ធាតុ​អាកាស​វិទ្យុ ​FM ​102​ របស់​មណ្ឌល​ព័ត៌​មាន​ស្ត្រី​កម្ពុជា​

កម្មវិធីវិទ្យុប្រចាំសបា្តហ៍ “ការជំនុំជម្រះក្តីលើអតីតមេដឹកនាំខ្មែរក្រហម” នឹងត្រូវដំណើរការផ្សាយផ្ទាល់ឡើងវិញ នៅរៀងរាល់ថ្ងៃព្រហស្បតិ៍ ពីម៉ោង ៦ ដល់ម៉ោង ៧ ល្ងាច ចាប់ផ្តើមពីថ្ងៃទី១០ ខែកញ្ញា ឆ្នាំ២០១៥ តទៅ នៅលើរលកធាតុអាកាសស្ថានីយវិទ្យុ FM102 របស់មណ្ឌលព័ត៌មានស្ត្រីកម្ពុជា និងស្ថានីយបន្តផ្ទាល់របស់ខ្លួនជាច្រើនទៀតក្នុងប្រទេសកម្ពុជា។ កម្មវិធីនីមួយៗ នឹងបង្ហាញពីការវិវឌ្ឍន៍ថ្មីៗជុំវិញដំណើរការជំនុំជម្រះក្តី និងមានការចូលរួមពីវាគ្មិនមកពីអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។កម្មវិធីវិទ្យុប្រចាំសបា្តហ៍នេះ ជាកិច្ចសហការផលិតរួមគ្នារវាងផ្នែកកិច្ចការសាធារណៈរបស់ អ.វ.ត.ក និងមណ្ឌលព័ត៌មានស្ត្រី

លោក​ ​Mi​ch​ael​ Boh​lan​der ​ត្រូវ​បាន​តែង​តាំង​ជា​សហ​ចៅ​ក្រម​ស៊ើប​អង្កេត​អន្តរ​ជាតិ​ថ្មី​

បន្ទាប់ពីមានការចាត់តាំងពីឯកឧត្តម បាន គីមូន អគ្គលេខាធិការអង្គការសហប្រជាជាតិ និងដោយមានការ អនុម័តយល់ព្រមពីឧត្តមក្រុមប្រឹក្សានៃអង្គចៅក្រម ព្រះមហាក្សត្រនៃព្រះរាជាណាចក្រកម្ពុជា ព្រះករុណា សម្តេចព្រះបរមនាថ នរោត្តម សីហមុនី ទ្រង់បានតែងតាំងចៅក្រម Michael Bohlander (ជនជាតិអាល្លឺម៉ង់) ជាសហចៅក្រមស៊ើបអង្កេតអន្តរជាតិថ្មីនៅអង្គជំនុំជម្រះវិសាមញ្ញក្នុងតុលាការកម្ពុជា(អ.វ.ត.ក)។ ចៅក្រមរូបនេះ ជំនួសចៅក្រម Mark Brian Harmon (ជនជាតិអាមេរិក)។ នាពេលថ្មីៗកន្លងទៅនេះ ចៅក្រម Michael Bohlander គឺជាសហចៅក្រមស៊ើបអង្កេតអន្តរជាតិបម្រុង។ នាពេលតែងតាំងនេះ គាត់ជាប្រធានផ្នែកនីតិព្រហ្មទណ្ឌអន្តរជាតិ និងប្រៀបធៀប នៅសាលាច្បា

ជន​ជាប់​ចោទ ​អៀង ​ធីរិទ្ធ ​បាន​ទទួល​មរណ​ភាព​

   អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានទទួលព័ត៌មានពីអាណាព្យាបាលតាមផ្លូវច្បាប់ថា ជនជាប់ចោទ អៀង ធីរិទ្ធ បានទទួលមរណភាព កាលពីវេលាម៉ោងប្រមាណ ១០:៣០ នាទីព្រឹក ថ្ងៃទី ២២ ខែសីហា ឆ្នាំ២០១៥ នេះ នៅខេត្តប៉ែលិន ប្រទេសកម្ពុជា។

សហ​ភាព​អឺរ៉ុប​សម្រេច​ផ្តល់​ជំនួយ​ថវិកា​ចំនួន​ ៨,៩ ​លាន​អឺរូ​ដល់​ អ.​វ.​ត​.​ក​

សហភាពអឺរ៉ុបបានសម្រេចផ្តល់ជំនួយថវិកាថ្មីចំនួន ៨,៩ លានអឺរ៉ូ ជូនដល់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) សម្រាប់គម្រោងថវិកាឆ្នាំ ២០១៥ និង ២០១៦។ សម្រាប់ឆ្នាំ ២០១៥នេះ សហភាពអឺរ៉ុប ផ្តល់វិភាគទានចំនួន ២ លានអឺរ៉ូ ដល់ភាគីជាតិ និងចំនួន ៣,៥ លានអឺរ៉ូដល់ភាគីអន្តរជាតិនៃអ.វ.ត.ក។    ការបែងចែកថវិកានៅសល់ចំនួន ៣,៤ លានអឺរ៉ូ នឹងត្រូវសម្រេច នៅឆ្នាំ ២០១៦។ សហភាពអឺរ៉ុបជាម្ចាស់ជំនួយធំមួយក្នុងចំណោមម្ចាស់ជំនួយធំៗរបស់ អ.វ.ត.ក ហើយជាមួយនឹងវិភាគទានថ្មីនេះ សហភាពអឺរ៉ុបបានផ្តល់ជំនួយថវិកាសរុបចំនួន ១៦,២ លានអឺរ៉ូ ចាប់តាំងពី អ.វ.ត.ក ដំណើរការនៅឆ្នាំ ២០០៦ រហូតមកដល់ពេលនេះ។

របាយការណ៍តុលាការ ខែ កក្កដា ឆ្នាំ 2016

របាយការណ៍របស់តុលាការចេញផ្សាយខែ កក្កដា ឆ្នាំ ២០១៦ គ្របដណ្តប់លើខែមិថុនានៅអ. វ. ត. ក ។ ទំព័របីដំបូងមានអត្ថបទដែលមានព័ត៌មានពីខែ កក្កដា រួមទាំងការចាប់ផ្តើមសវនាការអំពីការបោសសម្អាតផ្ទៃក្នុង។ ក្នុងចំណោមអត្ថបទដែលអាចរកបាន មានព័ត៌មានបន្ថែមដែលគ្របដណ្តប់លើលទ្ធផលនៃវេទិកាស្តីពីការអភិវឌ្ឍន៍ដំណើរការនីតិវិធី និងសំណងរបស់អ. វ. ត. ក.។ ក្នុងសំណុំរឿង ០០២/០២ និងសំណុំរឿង ០០៤/០១ បានបញ្ជូនបន្តសម្រាប់ការដាក់ពាក្យបណ្តឹងចុងក្រោយភស្តុតាងរបស់ ឌុច ស្តីពីមជ្ឈមណ្ឌលសន្តិសុខស -២១ និងការ​បោស​សម្អាត​ផ្ទៃក្នុង។ សិស្សវិទ្យាល័យនិងគ្រូជនជាតិអាមេរិកនៅហាវ៉ៃចំនួន ២០រូប បាន​មកទស្សនកិច្ច​នៅ​ អ. វ. ត. ក ។ អ្នកអាចទាញយករបាយការណ៍របស់តុលាការពីគេហទំព័រខាងក្រោម: http://www.eccc.gov.kh/en/publication/court-report-july-2016 ។ រកមើល​របាយការណ៍មុនៗរបស់​តុលាការ: http://www.eccc.gov.kh/en/public-affair/publication/report​

សន្និ​សីទ​សារ​ព័ត៌​មាន​ស្តី​ពី​ការ​បន្ត​សវ​នា​ការ​ដេញ​ដោល​ភស្តុ​តាង​ក្នុង​សំណុំ​រឿង ​០០២​/០២​

ផ្នែកកិច្ចការសាធារណៈនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) មានកិត្តិយសសូមអញ្ជើញតំណាងប្រព័ន្ធផ្សព្វផ្សាយចូលរួមនៅក្នុងសន្និសីទសារព័ត៌មានមួយដែលរៀបចំឡើងនៅមុនពេលអង្គជំនុំជម្រះសាលាដំបូង បន្តសវនាការលើសំណុំរឿង ០០២/០២ ចាប់ពីថ្ងៃទី ២៧ ខែ កក្កដា ឆ្នាំ ២០១៥ ខាងមុខ ប្រឆាំងនឹងជនជាប់ចោទ នួន ជា និង ខៀវ សំផន ។ អង្គជំនុំជម្រះសាលាដំបូងនឹងបន្តសវនាការផ្តោតលើអង្គហេតុការដ្ឋានទំនប់ត្រពាំងថ្ម ស្ថិតនៅភូមិភាគពាយព្យនៃប្រទេសកម្ពុជា ជាការដ្ឋានការងារទី៣ និង ចុងក្រោយដែលនឹងត្រូវលើកមកជំនុំជម្រះនៅក្នុងសំណុំរឿង ០០២/០២។   សន្និសីទកាសែតនេះនឹងប្រព្រឹត្តទៅនៅថ្ងៃទី ២៣ ខែ កក្កដា ឆ្នាំ ២០១៥ ពីម៉ោង ១០ ដល់ម៉ោង

សហ​ចៅ​ក្រម​ស៊ើប​អង្កេត​អន្តរ​ជាតិ​ស្នើ​សុំ​ជំនួយ​ពី​ប្រ​ទេស​វៀត​ណាម ​និង​ថៃ​

ការិយាល័យសហចៅក្រមស៊ើបអង្កេតកំពុងស៊ើបសួរក្នុងសំណុំរឿង ០០៣ និង ០០៤ ដែលចោទប្រកាន់លើការរំលោភយ៉ាងធ្ងន់ធ្ងរទៅលើច្បាប់ព្រហ្មទណ្ឌកម្ពុជា ការរំលោភទៅលើច្បាប់មនុស្សធម៌អន្តរជាតិ និងទម្លាប់អន្តរជាតិ ព្រមទាំងការរំលោភលើអនុសញ្ញាអន្តរជាតិនានាដែលប្រទេសកម្ពុជាទទួលស្គាល់។ ការរំលោភយ៉ាងធ្ងន់ធ្ងរទាំងនេះ ត្រូវបានចោទប្រកាន់ថា បានប្រព្រឹត្តក្នុងអំឡុងថ្ងៃទី ១៧ ខែ មេសា ឆ្នាំ ១៩៧៥ ដល់ ថ្ងៃទី ៦ ខែ មករា ឆ្នាំ ១៩៧៩។ អនុលោមតាមវិធានផ្ទៃក្នុងជាធរមានរបស់ អ.វ.ត.ក ការិយាល័យសហចៅក្រមស៊ើបអង្កេតអាចស្នើសុំឲ្យរដ្ឋមិនមែនជាភាគីនៃកិច្ចព្រមព្រៀងរវាងអង្គការសហប្រជាជាតិ និងរាជរដ្ឋាភិបាលកម្ពុជា ផ្តល់ការជួយជ្រោមជ្រែងតាមផ្លូវតុលាការជូនដល់ អ.វ.

លោកចៅក្រម ម៉ាក់ ហាម៉ុន ប្រកាសលាលែងពីតំណែង

ជាមួយនឹងការសោកស្តាយដ៏ជ្រៀលជ្រៅបំផុត ដែលខ្ញុំបានដាក់សំណើសុំលាលែងពីតំណែងរបស់ខ្ញុំ ដោយសារតែមូលហេតុផ្ទាល់ខ្លួនមួយគត់ ហើយការលាលែងនេះនឹងចូលជាធរមាន នៅពេលដែលចៅក្រមដែលត្រូវជំនួសខ្ញុំធ្វើពិធីសម្បថចូលកាន់តំណែង។ វាពិតជាកិត្តិយសណាស់ ដែលខ្ញុំត្រូវបានជ្រើសរើសឱ្យបម្រើការងារជាសហចៅក្រមស៊ើបអង្កេតអន្តរជាតិនៅអង្គជំនុំជម្រះវិសាមញ្ញក្នុងតុលាការកម្ពុជា ហើយមានបុព្វសិទ្ធិជាមួយនឹងសហការីអន្តរជាតិ និងកម្ពុជាដទៃទៀត ដើម្បីស្វែងរកយុត្តិធម៌ ក្នុងនាមជនរងគ្រោះជាច្រើន ដែលបានទទួលរងទុក្ខវេទនានៅក្រោមកណ្តាប់ដៃនៃរបបខ្មែរក្រហម។

សន្និ​សីទ​សារ​ព័ត៌​មាន​ទាក់​ទង​នឹង​​សវ​នា​ការ​លើ​បណ្តឹង​សា​ទុក្ខ​ក្នុង​សំណុំ​រឿង ​០០២​/០១​

ផ្នែកកិច្ចការសាធារណៈនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) មានកិត្តិយសសូមអញ្ជើញតំណាងប្រព័ន្ធផ្សព្វផ្សាយជាតិ និងអន្តរជាតិ ចូលរួមក្នុងសន្និសីទសារព័ត៌មានមួយដែលរៀបចំឡើងមុនការចាប់ផ្តើមសវនាការលើបណ្តឹងសាទុក្ខក្នុងសំណុំរឿង០០២/០១ ប្រឆាំងនឹងខៀវ សំផន និង នួន ជា។ សន្និសីទកាសែតនេះនឹងប្រព្រឹត្តទៅនៅថ្ងៃទី៣០ ខែមិថុនា ឆ្នាំ ២០១៥ ពីម៉ោង ១០ ព្រឹក ដល់ម៉ោង ១១ព្រឹក នៅសណ្ឋាគារភ្នំពេញ ស្ថិតតាមបណ្តោយមហាវិថីព្រះមុនីវង្ស។ សន្និសីទនេះនឹងមានការបកប្រែជាភាសាខ្មែរ និងអង់គ្លេស។

វី​ដេ​អូ​សង្ខេប​ស្តី​ពី​ការ​ជំនុំ​ជម្រះ​ក្តី​លើ​សំណុំ​រឿង ​០០២​/០២​

ផ្នែកកិច្ចការសាធារណៈនៃអ.វ.ត.ក បានផលិតវីដេអូឯកសារថ្មីមួយដែលផ្តល់ព័ត៌មានសង្ខេបអំពីសំណុំរឿង ០០២/០២ ដែលជាការជំនុំជម្រះក្តីទី២ ប្រឆាំងនឹងជនជាប់ចោទ នួន ជា និងខៀវ សំផន។ លោកអ្នកអាចទស្សនាវីដេអូនេះបានតាមរយៈតំណដូចខាងក្រោម៖ 

ចៅ​ក្រម ​BAIK ​Kang ​Jin​ និង​ចៅ​ក្រម ​Michael​ Bohlander​ ត្រូវ​បាន​តែង​តាំង​ជា​ចៅ​ក្រម​ថ្មី​នៅ​អ.វ.ត.ក​

បន្ទាប់ពីមានការចាត់តាំងពីឯកឧត្តម បាន គីមូន អគ្គលេខាធិការអង្គការសហប្រជាជាតិ និងដោយមានការ អនុម័តយល់ព្រមពីឧត្តមក្រុមប្រឹក្សានៃអង្គចៅក្រម ព្រះមហាក្សត្រនៃព្រះរាជាណាចក្រកម្ពុជា ព្រះករុណា សម្តេច ព្រះបរមនាថ នរោត្តម សីហមុនី ទ្រង់បានតែងតាំងចៅក្រម BAIK Kang Jin (ជនជាតិកូរ៉េខាងត្បូង) ជាចៅក្រមអន្តរជាតិថ្មីនៅអង្គបុរេជំនុំជម្រះនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ លោកជំនួសចៅក្រម រូវ៉ាន់ ដោននីង (ជនជាតិអូស្ត្រាលី) ដែលបានលាលែងតំណែងកាលពីដើមឆ្នាំនេះ។

ការលើកលែងការចោទប្រកាន់ប្រឆាំង ស៊ូ ម៉េត

នៅថ្ងៃទី២ ខែ មិថុនា ឆ្នាំ ២០១៥ សហចៅក្រមស៊ើបអង្កេតនៃអង្គជំនុំជម្រះវិសាមញ្ញក្នុងតុលាការកម្ពុជា(អ.វ.ត.ក) បានដាក់ចេញនូវសេចក្តីសម្រេចលើកលែងការចោទប្រកាន់ប្រឆាំងនឹង ស៊ូ ម៉េត ដែលជាជនសង្ស័យម្នាក់ ក្នុងដីកាសន្និដ្ឋានបញ្ជូនរឿងឲ្យស៊ើបសួរលើកទី២ ចេញដោយសហព្រះរាជអាជ្ញាស្តីទីអន្តរជាតិ កាលថ្ងៃទី៧ ខែកញ្ញា ឆ្នាំ ២០០៩។

អង្គ​ជំនុំ​ជម្រះ​តុលា​ការ​កំពូល​ចេញ​ដីកា​កំណត់​កាល​បរិច្ឆេទ​សវ​នា​ការ​លើក​ទីមួយ​ក្នុង​សំណុំ​រឿង ​០០២​/០១​

អង្គជំនុំជម្រះតុលាការកំពូលនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានចេញដីកាកំណត់កាលបរិច្ឆេទសវនាការលើកទីមួយទាក់ទងនឹងបណ្តឹងសាទុក្ខក្នុងសំណុំរឿង ០០២/០១ ដើម្បីស្តាប់សក្ខីកម្មរបស់សាក្សីបីរូប ដែលអង្គជំនុំជម្រះបានសម្រេចកោះហៅតាមសេចក្តីសម្រេចចុះថ្ងៃទី ២៩ ខែ ឧសភា ឆ្នាំ ២០១៥។ សវនាការនេះ គ្រោងនឹងបើកនៅវេលាម៉ោង ០៩ព្រឹក ដល់ម៉ោង ០៤រសៀល នៅថ្ងៃទី ២, ៣, ៦ ហើយថ្ងៃទី ៧ ខែកក្កដា ២០១៥ គឺជាថ្ងៃបម្រុង ប្រសិនបើត្រូវការពេលវេលាបន្ថែម។ សម្រាប់សវនាការបន្ថែមទៀត ដែលត្រូវរួមបញ្ចូលនូវសារណាផ្ទាល់មាត់លើបញ្ហាដែលបានលើកឡើង នៅក្នុងបណ្តឹងសាទុក្ខនោះ អង្គជំនុំជម្រះ នឹងធ្វើការកំណត់កាលបរិច្ឆេទទៅតាមពេលវេលាសមស្រប។

ពិធីចែកសៀវភៅសាលក្រមសំណុំរឿង ០០២/០១ របស់អង្គជំនុំជម្រះសាលាដំបូង

ការិយាល័យរដ្ឋបាលនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងចែកសៀវភៅសាលក្រមសំណុំរឿង ០០២/០១ របស់អង្គជំនុំជម្រះសាលាដំបូងដល់និស្សិតប្រមាណ ៣០០ នាក់ មកពីសាកលវិទ្យាល័យនានានៅរាជធានីភ្នំពេញ នៅថ្ងៃទី១២ ខែឧសភា ឆ្នាំ ២០១៥ នៅសាលសវនាការរបស់ អ.វ.ត.ក វេលាម៉ោង ៩ ព្រឹក។ពិធីចែកសៀវភៅនេះនឹងប្រព្រឹត្តទៅក្រោមអធិបតីភាពឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទី  នៃ អ.វ.ត.ក។ ក្នុងឱកាសនោះ ក៏មានកម្មវិធី សំណួរ-ចម្លើយ រវាងវាគ្មិន និងអ្នកចូលរួមទាក់ទងនឹងដំណើរវិវឌ្ឍន៍ចុងក្រោយរបស់ អ.វ.ត.ក ផងដែរ។

ការ​តែង​តាំង​ចៅ​ក្រម​អន្តរ​ជាតិ​នៃ​អង្គ​បុរេ​ជំនុំ​ជម្រះ ​និង​សហ​ព្រះ​រាជ​អាជ្ញា​រង​អន្តរ​ជាតិ​ថ្មី​

បន្ទាប់ពីត្រូវបានចាត់តាំងដោយឯកឧត្តម បាន គីមូន អគ្គលេខាធិការអង្គការសហប្រជាជាតិ (អ.ស.ប) និងដោយមានការអនុម័តយល់ព្រមពីឧត្តមក្រុមប្រឹក្សានៃអង្គចៅក្រម លោកអូលីវីយ៉េ បូវ៉ាល់ឡេ (ជនជាតិបារាំង)ត្រូវបានតែងតាំងជាចៅក្រមអន្តរជាតិថ្មីនៅអង្គបុរេជំនុំជម្រះនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ លោកចៅក្រម បូវ៉ាល់ឡេ ត្រូវបំពេញតួនាទីជំនួសលោកចៅក្រម ចាងហូ ជុង (ជនជាតិកូរ៉េខាងត្បូង) ដែលបានលាលែងពីតំណែងកាលពីថ្ងៃទី២៨ ខែកុម្ភៈ ឆ្នាំ ២០១៥។

គម្រោង​ថវិកា​កែ​សម្រួល​ថ្មី​សម្រាប់​ឆ្នាំ ​២០១៤​-២​០១៥ ​របស់ ​អ.វ​.ត.ក​ ត្រូវ​បាន​អនុ​ម័ត​

គម្រោងថវិកាកែសម្រួលថ្មីសម្រាប់ឆ្នាំ ២០១៤-២០១៥ របស់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានអនុម័តដោយក្រុមប្រទេសផ្តល់ជំនួយសំខាន់ៗ ហើយពេលនេះត្រូវបានផ្សព្វផ្សាយនៅលើគេហទំព័ររបស់ អ.វ.ត.ក រួចហើយ។

សេចក្តី​ថ្លែង​ការណ៍​របស់​សហ​ចៅ​ក្រម​ស៊ើប​អង្កេត​អន្តរ​ជាតិ​ទាក់​ទង​នឹង​សំណុំ​រឿង ​០០៤​

នៅថ្ងៃទី ២៧ ខែ មីនា ឆ្នាំ ២០១៥ សហចៅក្រមស៊ើបអង្កេតអន្តរជាតិ បានដាក់ អោ អាន ឲ្យស្ថិតក្រោមការពិនិត្យពីបទឧក្រិដ្ឋដែលបានចោទប្រកាន់ដូចខាងក្រោម៖ មនុស្សឃាតដោយចេតនា ជាការរំលោភបំពានក្រមព្រហ្មទណ្ឌកម្ពុជាឆ្នាំ ១៩៥៦ ដែលត្រូវបានចោទប្រកាន់ថាបានប្រព្រឹត្តឡើងនៅទីកន្លែងសម្លាប់មនុស្សគោកព្រីង មន្ទីរសន្តិសុខ

ការ​កែ​សម្រួល​កាល​វិភាគ​សវ​នា​ការ​ពី​ថ្ងៃ​ទី ​៣០ ​ខែ ​មីនា ​ដល់​ថ្ងៃ​ទី ​០៣ ​ខែ ​មេសា ​ឆ្នាំ ២​០១៥​

អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងស្តាប់សក្ខីកម្មរបស់សាក្សីមួយរូបដែលមានរហស្សនាម 2-TCW-923 តាមរយៈប្រព័ន្ធសោតទស្សន៍ពីសហរដ្ឋអាមេរិក។ ដោយសារតែពេល វេលាខុសគ្នា អង្គជំនុំជម្រះនឹងធ្វើសវនាការចាប់ពីម៉ោង ៨.០០ ព្រឹករហូតដល់ម៉ោង ១០.០០ ព្រឹក សម្រាប់រយៈពេល បីថ្ងៃ គឺពីថ្ងៃទី ៣០-៣១ ខែ មីនា និងថ្ងៃទី០១ ខែ មេសា ឆ្នាំ ២០១៥ ហើយអង្គជំនុំជម្រះនឹងមិនធ្វើសវនាការបន្តទៀតទេនៅអំឡុងថ្ងៃទាំងនេះ

ពិធី​សម្ពោធ​បូជនីយ៍​ដ្ឋាន​នៃ​ការ​ចង​ចាំ ​និង​រំឭក​វិញ្ញាណ​ក្ខន្ធ​ជន​រង​គ្រោះ ​ក្នុង​របប​កម្ពុជា​ប្រជា​ធិប​តេយ្យ​នៅ​សារៈ​មន្ទីរ​ឧក្រិដ្ឋ​កម្ម​ប្រល័យ​ពូជ​សាសន៍​ទួល​ស្លែង​

អង្គភាពគាំពារជនរងគ្រោះនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) និងក្រសួងវប្បធម៌ និងវិចិត្រសិល្បៈ នឹងធ្វើពិធីសម្ពោធបូជនីយដ្ឋាននៃការចងចាំ និងរំឭកវិញ្ញាណក្ខន្ធជនរងគ្រោះដែលបានបាត់បង់ជីវិតនៅក្នុងរបបកម្ពុជាប្រជាធិបតេយ្យ នៅថ្ងៃទី២៦ ខែមីនា ឆ្នាំ២០១៥ វេលាម៉ោង ៨: ៣០ នាទីព្រឹកនៅសារៈមន្ទីរឧក្រិដ្ឋកម្មប្រល័យពូជសាសន៍ទួលស្លែង។

កាល​បរិច្ឆេទ​សវ​នា​ការ​លើ​សំណុំ​រឿង ​០០២​/០២ ​ ដែល​គ្រោង​ធ្វើ​ពី​ថ្ងៃ​ទី​២៣-​២៧ ​ខែ​មីនា ​ឆ្នាំ ​២០១​៥ ត្រូវ​បាន​កែ​ប្រែ​

 នៅក្នុងបំណងផ្តល់ឱកាសបន្ថែមដល់ភាគីនានាពិនិត្យឡើងវិញនូវឯកសារពីសំណុំរឿង ០០៤ ដែលពាក់ព័ន្ធនឹងសំណុំរឿង ០០២ អង្គជំនុំជម្រះសាលាដំបូងនឹងមិនធ្វើសវនាការជំនុំជម្រះក្តីលើសំណុំរឿង០០២/០២នៅថ្ងៃច័ន្ទ ទី២៣ ខែមីនា ឆ្នាំ២០១៥ ទេ ហើយសវនាការលើសំណុំរឿង ០០២/០២ នឹងចាប់ផ្តើមឡើងវិញនៅថ្ងៃអង្គារ-ពុធ-ព្រហស្បតិ៍ ទី២៤-២៥-២៦ ខែមីនា ឆ្នាំ២០១៥។             សវនាការនឹងត្រូវផ្សព្វផ្សាយផ្ទាល់នៅលើគេហទំព័ររបស់ អ.វ.ត.ក www.eccc.gov.kh/en/live-stream

Pagination