អត្ថបទព័ត៌មាន
សេចក្តីសម្រេចលើបណ្តឹងសាទុក្ខភ្លាមៗ ប្រឆាំងនឹងសេចក្តីសម្រេចរបស់អង្គជំនុំជម្រះសាលាដំបូង ដែលបង្គាប់ឲ្យដោះលែងជនជាប់ចោទ អៀង ធីរិទ្ធ ដោយឥតលក្ខខណ្ឌ
អង្គជំនុំជម្រះតុលាការកំពូលនៃអង្គវិសាមញ្ញក្នុងតុលាការកម្ពុជា បានបង្គាប់នូវរបបនៃការត្រួតពិនិត្យតាមផ្លូវតុលាការលើជនជាប់ចោទ អៀង ធីរិទ្ធ ដោយរួមបញ្ចូលទាំងការត្រួតពិនិត្យផ្នែកវេជ្ជសាស្ត្រជារៀងរាល់ប្រាំមួយខែម្តង និងការត្រួតពិនិត្យប្រចាំខែដោយនគរបាលយុត្តិធម៌ ដោយស្របទៅតាមសេចក្តីសម្រេចរបស់ខ្លួន ដែលបានចេញនៅថ្ងៃទី១៤ ខែធ្នូនេះ។
លោក អាង ឧត្តម និងលោក MICHAEL G. KARNAVAS បានទទួលការតែងតាំងជាមេធាវីការពារក្តី តំណាងជនសង្ស័យមួយរូបនៅក្នុងសំណុំរឿង ០០៣
ផ្នែកគាំពារការការពារក្តី (DSS) នៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានតែងតាំងលោក អាង ឧត្តម ជាសហមេធាវីកម្ពុជា និងលោក Michael G. Karnavas ជាសហមេធាវីបរទេស ដើម្បីតំណាងជនសង្ស័យមួយរូបដែលមានឈ្មោះនៅក្នុងដីកាសន្និដ្ឋានបញ្ជូនរឿងឲ្យស៊ើបសួរទីពីរ ដែលសហព្រះរាជអាជ្ញាអន្តរជាតិបានដាក់ទៅការិយាល័យសហចៅក្រមស៊ើបអង្កេតកាលពីថ្ងៃទី ២០ ខែ វិច្ឆិកា ឆ្នាំ ២០០៨។ ដីកាសន្និដ្ឋានបញ្ជូនរឿងឲ្យស៊ើបសួរទីពីរនេះ គឺជាផ្នែកមួយនៃសំណុំឯកសារក្នុងសំណុំរឿង ០០៣។
ជំនួយបន្ថែមរបស់នូវែលហ្សេឡង់ជាសញ្ញានៃការបន្តការគាំទ្រចំពោះ អ.វ.ត.ក
ជំនួយថវិកាបន្ថែមចំនួន ២០០ ០០០ ដុល្លារនូវែលហ្សេឡង់ ដល់អង្គជំនុំជម្រះវិសាមញ្ញក្នុងតុលាការកម្ពុជា ដែលឯកឧត្តមនាយករដ្ឋមន្ត្រីនូវែលហ្សេឡង់បានសន្យាពីម្សិលមិញ ជាសញ្ញាវិជ្ជមាននិងលើកទឹកចិត្តចំពោះបុគ្គលិកនិងមន្ត្រីនៃ អ.វ.ត.ក ក៏ដូចជាចំពោះប្រជាជនកម្ពុជាទាំងអស់ ដែលបង្ហាញពីការបន្តការគាំទ្ររបស់រដ្ឋាភិបាលនូវែលហ្សេឡង់ ចំពោះដំណើរការស្វែងរកយុត្តិធម៌ជូនជនរងគ្រោះនៃឧក្រិដ្ឋកម្មធ្ងន់ធ្ងរដែលជឿថាត្រូវបានប្រព្រឹត្តដោយរបបកម្ពុជាប្រជាធិបតេយ្យ។
នាយករដ្ឋមន្ត្រីនូវែលហ្សេឡង់ប្រកាសសន្យាផ្តល់ជំនួយថវិកាបន្ថែមដល់ អ.វ.ត.ក
នាយករដ្ឋមន្ត្រីនូវែលហ្សេឡង់ ឯកឧត្តម ចន ឃី បានប្រកាសនៅក្នុងដំណើរទស្សនកិច្ចរបស់ឯកឧត្តមនៅអង្គជំនុំជម្រះវិសាមញ្ញក្នុងតុលាការកម្ពុជានៅព្រឹកនេះ សន្យាផ្តល់ជំនួយថ្មីបន្ថែមដល់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នូវថវិកាចំនួន ២០០ ០០០ ដុល្លារនូវែលហ្សេឡង់។ឯកឧត្តមនាយករដ្ឋមន្ត្រីបានដឹកនាំគណៈប្រតិភូចំនួន ៨រូប មកធ្វើទស្សនកិច្ចនៅ អ.វ.ត.ក នៅមុនពេលបញ្ចប់ដំណើរ ទស្សនកិច្ចជាផ្លូវការរបស់ឯកឧត្តមមកកាន់កម្ពុជាដើម្បីចូលរួមក្នុងកិច្ចប្រជុំកំពូលអាស៊ាន។ នេះគឺជាលើកទី១ហើយ ដែល អ.វ.ត.ក បានទទួលដំណើរទស្សនកិច្ចរបស់ប្រមុខរដ្ឋាភិបាល។
កាលវិភាគសវនាការលើសំណុំរឿង ០០២ សម្រាប់ចុងឆ្នាំ២០១២
តារាងកាលវិភាគបណ្តោះអាសន្ននៃសវនាការលើសំណុំរឿង ០០២ សម្រាប់រយៈពេលដែលនៅសេសសល់នៃឆ្នាំ២០១២ ឥឡូវនេះត្រូវបានផ្សាយជាសាធារណៈ។ សូមកត់សម្គាល់ថា អង្គជំនុំជម្រះសាលាដំបូងអាចនឹងផ្លាស់ប្តូរកាលវិភាគក្នុងរយៈពេលខ្លី អាស្រ័យទៅតាមស្ថានភាពជាក់ស្តែង។សូមចូលមើលកាលវិភាគតុលាការនៅក្នុងគេហទំព័ររបស់ អ.វ.ត.ក ឲ្យបានញឹកញាប់ ដើម្បីទទួលបានព័ត៌មានថ្មីៗបំផុតអំពីកាលវិភាគរបស់តុលាការ។ អង្គជំនុំជម្រះសាលាដំបូងនឹងផ្អាកសវនាការលើសំណុំរឿង ០០២ ពីថ្ងៃទី២៤ ខែធ្នូ ឆ្នាំ២០១២ ដល់ថ្ងៃទី៧ ខែមករា ឆ្នាំ២០១៣ ហើយនឹងបន្តសវនាការឡើងវិញនៅថ្ងៃទី៨ ខែមករា ឆ្នាំ២០១៣។
អង្គភាពគាំពារជនរងគ្រោះនឹងរៀបចំវេទិកាថ្នាក់តំបន់លើកទី៤ ឆ្នាំ២០១២ នៅខេត្តព្រះសីហនុ
អង្គភាពគាំពារជនរងគ្រោះនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងរៀបចំវេទិកាថ្នាក់តំបន់លើកទី៤ ក្នុងឆ្នាំ២០១២ នៅខេត្តព្រះសីហនុ សម្រាប់ដើមបណ្តឹងរដ្ឋប្បវេណីចំនួន ២០០ នាក់ ក្នុងសំណុំរឿង០០២។ វេទិកាថ្នាក់តំបន់នេះនឹងធ្វើនៅសណ្ឋារគារឆ្នេរជលសារ នៅថ្ងៃសុក្រ ទី១៦ ខែវិច្ឆិកា ឆ្នាំ២០១២ វេលាម៉ោង ៨:០០ព្រឹក ដល់ម៉ោង ៤:០០ រសៀល។ (អត្តសញ្ញាណរបស់ដើមបណ្តឹងរដ្ឋប្បវេណីនឹងត្រូវរក្សាជាសម្ងាត់) ។
អង្គជំនុំជម្រះតុលាការកំពូលនឹងបើកសវនាការលើបណ្តឹងសាទុក្ខប្រឆាំងនឹងលក្ខខណ្ឌនៃការដោះលែង អៀង ធីរិទ្ធ
អង្គជំនុំជម្រះតុលាការកំពូលនឹងបើកសវនាការនៅថ្ងៃអង្គារ៍ ទី១៣ ខែវិច្ឆិកា ឆ្នាំ២០១២ វេលាម៉ោង ៩:៣០ នាទីព្រឹក ដើម្បីស្តាប់ការវែកញែកដោយផ្ទាល់មាត់ ទាក់ទិននឹងបណ្តឹងសាទុក្ខរបស់សហព្រះរាជអាជ្ញា ពាក់ព័ន្ធនឹងលក្ខខណ្ឌនៃការដោះលែង អៀង ធីរិទ្ធ។
លោកម៉ាក់ ហាម៉ុន ស្បថចូលកាន់តំណែងជាសហចៅក្រមស៊ើបអង្កេតអន្តរជាតិ
សហចៅក្រមស៊ើបអង្កេតអន្តរជាតិដែលទើបនឹងត្រូវបានតែងតាំងថ្មីៗនេះ គឺលោកចៅក្រម ម៉ាក ហាម៉ុន បានធ្វើពិធីសម្បថចូលកាន់តំណែងនៅថ្ងៃទី ២៦ ខែតុលានេះ នៅអង្គជំនុំជម្រះវិសាមញ្ញក្នុងតុលាការកម្ពុជា។ លោកនឹងបន្តការងារលើសំណុំរឿងដែលមាន ដែលគេដឹងថាជាសំណុំរឿង ០០៣ និង០០៤ ជាមួយនឹងសហភាតារបស់លោក គឺលោកសហចៅក្រមស៊ើបអង្កេតជាតិ យូ ប៊ុនឡេង។ លោកម៉ាក់ ហាម៉ុន ត្រូវបានឧត្តមក្រុមប្រឹក្សានៃអង្គចៅក្រមនៃព្រះ រាជណាចក្រកម្ពុជាអនុម័តតែងតាំងកាលពីថ្ងៃទី២០ ខែមិថុនា បន្ទាប់ពីមានការលាលែងចេញពីតំណែងរបស់សហចៅក្រមស៊ើបអង្កេតអន្តរជាតិ
Siegfried Blunk កាលពីខែតុលា ឆ្នាំ ២០១១ និងសហចៅក្រមស៊ើបអង្កេតបម្រុងអន្តរជាតិ Laurent Kasper-Ansermet កាលពីខែឧសភា។ លោកច
សេចក្តីប្រកាសព័ត៌មាន អង្គជំនុំជម្រះសាលាដំបូងប្រកាសកាត់បន្ថយចំនួនថ្ងៃសវនាការប្រចាំសប្តាហ៍ក្នុងសំណុំរឿង ០០២/០១
អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) សូមជម្រាបជូនដំណឹងថា ចាប់ពីថ្ងៃ ច័ន្ទ ទី ០៥ ខែ វិច្ឆិកា ឆ្នាំ ២០១២ តទៅ អង្គជំនុំជម្រះនឹងកាត់បន្ថយចំនួនថ្ងៃធ្វើសវនាការរបស់ខ្លួន ដោយធ្វើ សវនាការតែពីថ្ងៃច័ន្ទ ដល់ថ្ងៃពុធ ប៉ុណ្ណោះ សម្រាប់សប្តាហ៍នីមួយៗ។
ខ្សែវីដេអូនៃពាក្យសុំអភ័យទោសរបស់ កាំង ហ្កេកអ៊ាវ ហៅ ឌុច ត្រូវបានផ្សព្វផ្សាយជាសាធារណៈ
នៅក្នុងសាលដីកាស្ថាពរសំណុំរឿង ០០១ ប្រឆាំងនឹង កាំង ហ្កេកអ៊ាវ ហៅ ឌុច អង្គជំនុំជម្រះតុលាការកំពូលនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានរក្សាសេចក្តីសម្រេចរបស់អង្គជំនុំជម្រះសាលាដំបូង ដែលបញ្ជាឲ្យចងក្រងនិងផ្សព្វផ្សាយនៅលើគេហទំព័ររបស់ អ.វ.ត.ក នូវពាក្យសុំអភ័យទោសនិងការទទួលស្គាល់កំហុសរបស់ កាំង ហ្កេកអ៊ាវ ហៅ ឌុច នៅក្នុងអំឡុងសវនាការ ក្នុងនោះរួមទាំងសវនាការលើបណ្តឹងសាទុក្ខនៅចំពោះមុខអង្គជំនុំជម្រះតុលាការកំពូលផងដែរ។ ការចងក្រងនិងផ្សព្វផ្សាយខ្សែវីដេអូនៃពាក្យសុំអភ័យទោសរបស់ ឌុច គឺជាការផ្តល់សំណងផ្លូវចិត្តដល់ដើមបណ្តឹងរដ្ឋប្បវេណីនៅក្នុងសំណុំរឿង ០០១។សាធារណជនអាចមើលខ្សែវីដេអូនៃពាក្យសុំអភ័យទោសនិងការទទួលស្គាល់កំហុសរបស់ ឌុច នៅលើគេហទំព័ររបស់ អ.វ.ត.ក http://www.eccc.gov.kh/video/apology
កាលវិភាគតុលាការសម្រាប់អំឡុងពេលបុណ្យភ្ជុំបិណ្ឌ
សប្តាហ៍ទីពីរនៃខែតុលា៖ សវនាការពាក់ព័ន្ធនឹងឯកសារស្តីអំពីរចនាសម្ព័ន្ធរដ្ឋបាល ដែលមានកាលវិភាគក្នុងលិខិតលេខ E233 នឹងចាប់ផ្តើមបន្ទាប់ពីការបញ្ចប់សក្ខីកម្មរបស់សាក្សី TCW-428។ បន្ទាប់មក អង្គជំនុំជម្រះសាលាដំបូងនឹងឈប់សម្រាកបុណ្យភ្ជុំបិណ្ឌ ពីថ្ងៃព្រហស្បតិ៍ ទី១១ និងថ្ងៃសុក្រ ទី១២ ខែតុលា ឆ្នាំ២០១២។សប្តាហ៍ទី៣នៃខែតុលា៖ អង្គជំនុំជម្រះសាលាដំបូងនឹងបន្តសវនាការនៅថ្ងៃទី១៨ ខែតុលា ឆ្នាំ២០១២។ សវនាការក៏នឹងត្រូវបន្តធ្វើនៅថ្ងៃសុក្រ ទី១៩ ខែតុលា ដើម្បីឈានទៅធ្វើសេចក្តីសន្និដ្ឋានបញ្ចប់សវនាការអំពីឯកសារនៅក្នុងសប្តាហ៍កន្លងទៅ។
លោក GÖRAN SLUITER ត្រូវបានតែងតាំងជាមេធាវីការពារក្តីអន្តរជាតិ
អង្គភាពគាំពារការការពារក្តីនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានតែងតាំងលោក Göran Sluiter ជាមេធាវីអន្តរជាតិតំណាងឲ្យជនសង្ស័យមួយរូបនៅក្នុងដីកាបញ្ជូនរឿងឲ្យស៊ើបសួរទីបី ដែលសហព្រះរាជអាជ្ញាអន្តរជាតិបានដាក់ជូនការិយាល័យសហចៅក្រមស៊ើបអង្កេតនៅថ្ងៃទី៧ ខែកញ្ញា ឆ្នាំ២០០៩។ ដីកាបញ្ជូនរឿងឲ្យស៊ើបសួរទីបីគឺជាផ្នែកមួយនៃសំណុំឯកសារក្នុងសំណុំរឿង ០០៤។
របាយការណ៍សុខភាពរបស់លោកស្រី អៀង ធីរិទ្ធ ត្រូវបានដាក់ជាសាធារណៈ
អង្គជំនុំជម្រះសាលាដំបូងបានចាត់ចំណាត់ថ្នាក់ម្តងទៀត នូវរបាយការណ៍សុខភាពរបស់លោកស្រី អៀង ធីរិទ្ធ ដើម្បីឲ្យសាធារណជនទទួលបានព័ត៌មានលម្អិតច្បាស់ជាងមុនពាក់ព័ន្ធនឹងការវិនិច្ឆ័យរបស់អ្នកជំនាញសុខភាព ទៅលើជំងឺវង្វេងវង្វាន់ (អាចជាជំងឺបាត់ការចងចាំ) របស់លោកស្រី អៀង ធីរិទ្ធ។ យោងតាមកឋាខ័ណ្ឌទី៣ នៃរបាយការណ៍របស់អ្នកជំនាញថ្ងៃទី២៩ ខែសីហា ឆ្នាំ២០១២ អង្គជំនុំជម្រះសាលាដំបូងបានប្រឹក្សាជាមួយអ្នកជំនាញវេជ្ជសាស្រ្តបីរូបដែលតែងតាំងដោយតុលាការ មុននឹងចាត់ចំណាត់ថ្នាក់សាជាថ្មីនូវឯកសារនេះ។ អង្គជំនុំជម្រះសាលាដំបូងបានចាត់ចំណាត់ថ្នាក់របាយការណ៍នេះសាជាថ្មី បន្ទាប់ពីកិច្ចពិភ
ប្រទេសន័រវែសផ្តល់ជំនួយថវិកាបន្ថែមចំនួន ៦ លានក្រោន ដល់ អ.វ.ត.ក
រដ្ឋាភិបាលន័រវែសបានផ្តល់ជំនួយថវិកាបន្ថែមទៀតចំនួន ៦ លាន ន័រវែសក្រោន (ប្រមាណ ១លាន ដុល្លារអាមេរិក) ដល់ភាគីអន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ បូករួមទាំងជំនួយលើកចុងក្រោយនេះផង ជំនួយថវិកាដែល អ.វ.ត.ក ទទួលបានពីប្រទេសន័រវែសមានចំនួនសរុបជាង ៥ លាន ដុល្លារអាមេរិកហើយ។
ខ្សែវីដេអូឯកសារថ្មី ស្តីអំពីសកម្មភាពផ្សព្វផ្សាយរបស់ អ.វ.ត.ក នៅវិទ្យាល័យនិងសាកលវិទ្យាល័យ
ខ្សែវីដេអូឯកសារថ្មីនេះបង្ហាញអំពីជ្រុងមួយនៃកម្មវិធីផ្សព្វផ្សាយរបស់ អ.វ.ត.ក ដែលផ្តោតទៅលើការអប់រំសិស្សនិស្សិតនៅវិទ្យាល័យនិងសាកលវិទ្យាល័យនៅទូទាំងប្រទេស។ តាំងពីខែតុលា ឆ្នាំ២០០៩ បុគ្គលិកផ្នែកកិច្ចការសាធារណៈនៃ អ.វ.ត.ក បានផ្តល់បទឧទ្ទេសនាមដល់សិស្សនិស្សិតចំនួនជាង ៦០ ០០០ នាក់ ហើយ។
ប្រតិចារឹកនៃកិច្ចប្រជុំរៀបចំសវនាការ កាលពីខែសីហា ឆ្នាំ២០១២ ត្រូវបានដាក់ជាសាធារណៈ
ថ្ងៃទី១៧ ខែសីហា ឆ្នាំ២០១២ អង្គជំនុំជម្រះសាលាដំបូងរៀបចំកិច្ចប្រជុំរៀបចំសវនាការមួយ ដែលត្រូវបន្តនិងបិទនៅថ្ងៃទី២៧ ខែសីហា ឆ្នាំ២០១២។ គោលបំណងនៃកិច្ចប្រជុំនេះគឺដើម្បីពិភាក្សាអំពីការរៀបចំផែនការសម្រាប់ដំណាក់កាលសេសសល់នៃសំណុំរឿង ០០២/០០១ និងដើម្បីធានាថាដំណើរការជំនុំជម្រះក្តីនឹងត្រូវបញ្ចប់ក្នុងរយៈពេលឆាប់បំផុតតាមដែលអាចធ្វើបាន។ កិច្ចប្រជុំនេះក៏ពិភាក្សាទៅលើគំនិតយោបល់របស់ភាគីដែលពាក់ព័ន្ធក្នុងដំណើរការ ទាក់ទិននឹងសំណើសុំរបស់សហព្រះរាជអាជ្ញាឲ្យពង្រីកដែនយុត្តាធិការនៃការជំនុំជម្រះ។ កិច្ចប្រជុំបានប្រព្រឹត្តទៅជាអសាធារណៈ ក៏ប៉ុន្តែ អង្គជំនុំជម្រះសាលាដំបូងបានសម្រ
ជនជាប់ចោទ អៀង ធីរិទ្ធ ត្រូវបានដោះលែងជាមួយលក្ខខណ្ខបណ្តោះអាសន្ន
ប្រធានអង្គជំនុំជម្រះតុលាការកំពូលនៃ អ.វ.ត.ក ដោយអនុលោមតាមវិធាន ៨២ (៦) នៃវិធានផ្ទៃក្នុង ធ្វើការសម្រេចលើសំណើរបស់សហព្រះរាជអាជ្ញា សុំផ្អាកសេចក្តីសម្រេចដោះលែងជនជាប់ចោទ អៀង ធិរិទ្ធ ដោយគ្មានលក្ខខណ្ខរបស់អង្គជំនុំជម្រះសាលាដំបូង ដោយសម្រេចថា អៀង ធីរិទ្ធ ត្រូវបានដោះលែងជាមួយលក្ខខណ្ខបណ្តោះអាសន្នមួយចំនួន។សូមចុចទីនេះ ដើម្បីអានសេចក្តីប្រកាសព័ត៌មានទាំងស្រុង។
សេចក្តីថ្លែងការណ៍របស់សហព្រះរាជអាជ្ញាទាក់ទងនឹងជនជាប់ចោទ អៀង ធីរិទ្ធ
ថ្ងៃនេះ សហព្រះរាជអាជ្ញាបានប្តឹងសាទុក្ខជំទាស់នឹងសេចក្តីសម្រេចរបស់អង្គជំនុំជម្រះសាលាដំបូង ដែលបានចេញកាលពីម្សិលម៉ិញ ដើម្បីដោះលែងជនជាប់ចោទ អៀង ធីរិទ្ធ។ អង្គជំនុំជម្រះសាលាដំបូងបានសម្រេចថា អៀង ធីរិទ្ធ បច្ចុប្បន្នមិនមានសម្បទាខាងបញ្ញាស្មារតីគ្រប់គ្រាន់ ដើម្បីចូលរួមក្នុងសវនាការចំពោះឧក្រិដ្ឋកម្មប្រឆាំងនឹងមនុស្សជាតិ ដូចបានចោទប្រកាន់ដែលបានប្រព្រឹត្តក្នុងអំឡុងនៃកម្ពុជាប្រជាធិបតេយ្យទេ។ សហព្រះរាជអាជ្ញា យល់ស្របទាំងស្រុងជាមួយអង្គជំនុំជម្រះសាលាដំបូងថា អៀង ធីរិទ្ធ គួរត្រូវបានដោះលែងពីមន្ទីរឃុំឃាំង ដោយផ្អែកតាមការរក ឃើញរបស់អ្នកជំនាញជាតិ និងអន្តរជាតិដែលថា គាត់នៅពេលបច្ចុប្បន្ននេះមិនមានសម្បទាគ្រប់គ្រាន់ដើម្បី ចូលរួមសវ
សេចក្ដីសម្រេចលើការវាយតម្លៃឡើងវិញអំពីសម្បទាខាងបញ្ញាស្មារតីរបស់ជនជាប់ចោទ អៀង ធីរិទ្ធ ក្នុងការចូលរួមការជំនុំជម្រះ បន្ទាប់ពីមានសេចក្ដីសម្រេចរបស់អង្គជំនុំជម្រះតុលាការកំពូល ចុះថ្ងៃទី ១៣ ខែធ្នូ ឆ្នាំ២០១១
បន្ទាប់ពីមានវណ្ដឹងសាទុក្ខរបស់សហព្រះរាជ្ញា លើសេចក្ដីសម្រេចរបស់អង្គជំនុំជម្រះសាលាដំបូងចុះថ្ងៃទី ២៧ ខែវិច្ឆិកា ឆ្នាំ២០១១ដែលបានប្រកាសថា ជនជាប់ចោទ អៀង ធីរិទ្ធ ពុំមានសម្បទាខាងស្មារតីគ្រប់គ្រាន់ក្នុងការចូលរួមសវនាការ និងដែលបានបង្គាប់ឲ្យដោះលែងជនជាប់ចោទជាបន្ទាន់ អង្គជំនុំជម្រះតុលាការកំពូល(អជតគ)បានផ្អាកការដោះលែងជនជាប់ចោទ ហផយបានបញ្ជូនបញ្ហាសម្បទាខាងបញ្ហាស្មាំរតីដើម្បីចូលរួមសវនាការរបស់ជនចោទជាប់ ត្រឡប់មកអង្គជំនុំជម្រះសាលាដំបូងវិញ...សូមអានបន្ត
អង្គជំនុំជម្រះតុលាការកំពូលសម្រេចចាត់ចំណាត់ប្រភេទឡើងវិញ នូវឯកសារសម្ងាត់ចំនួនជាង ១.៧០០ ច្បាប់
អង្គជំនុំជម្រះតុលាការកំពូលបានបញ្ចប់ការពិនិត្យឡើងវិញទៅលើចំណាត់ប្រភេទនៃឯកសារជាង ១២.០០០ ដែលជាប្រភេទឯកសារសម្ងាត់និងសម្ងាត់បំផុតក្នុងសំណុំរឿង ០០១។ ក្នុងនោះ អង្គជំនុំជម្រះបានធ្វើចំណាត់ប្រភេទឯកសារសរុបចំនួន ១.៧៤៩ ថាជាឯកសារសាធារណៈ។ ឯកសារទាំងនេះមានជាអាទិ៍ ឯកសារក្នុងអំឡុងរបបកម្ពុជាប្រជាធិបតេយ្យ ដែលរួមមាន “ចម្លើយសារភាព” និងជីវប្រវត្តិរបស់ជនរងគ្រោះ ចម្លើយសាក្សី ប្រតិចារឹកនៃសវនាការអសាធារណៈ (in camera) និងដីកាចាត់ឲ្យស៊ើបសួរជំនួស។
សវនាការថ្ងៃទី ៣០-៣១ សីហា ទាក់ទិននឹងស្ថានភាពកាយសម្បទានិងបញ្ញាស្មារតីរបស់ អៀង ធីរិទ្ធ ក្នុងការចូលរួមការជំនុំជម្រះ
អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងបើកសវនាការនៅ ថ្ងៃទី ៣០-៣១ ខែសីហា ឆ្នាំ២០១២នេះ ទាក់ទិននឹងស្ថានភាពកាយសម្បទានិងបញ្ញាស្មារតីរបស់ អៀង ធីរិទ្ធ ក្នុងការចូលរួមសវនាការ។ អង្គជំនុំជម្រះនឹងស្តាប់របាយការណ៍វាយតម្លៃរបស់អ្នកជំនាញវេជ្ជសាស្រ្តដែលត្រូវបានចាត់តាំងដោយ អ.វ.ត.ក ឲ្យទទួលខុសត្រូវពិនិត្យស្ថានភាពកាយសម្បទានិងបញ្ញាស្មារតីរបស់ អៀង ធីរិទ្ធ នាពេលថ្មីៗនេះ បន្ទាប់ពីគាត់បានទទួលការព្យាបាលបន្ថែម។
ប្រទេសអូស្រ្តាលីផ្តល់ជំនួយថវិកាបន្ថែមចំនួន ១,៤ លានដុល្លារអូស្រ្តាលី ដល់ អ.វ.ត.ក
ប្រទេសអូស្រ្តាលីបានផ្តល់ជំនួយថវិកាបន្ថែមចំនួន ១,៤ លានដុល្លារអូស្រ្តាលី (ប្រមាណ ១,៤៦ លានដុល្លារអាមេរិក) ដល់ភាគីអន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ ជំនួយថវិកាថ្មីនេះ ដែលត្រូវបានប្រកាសដោយឯកឧត្តម បប់ ខារ រដ្ឋមន្ត្រីការបរទេស និងជាសមាជិកសភាអូស្រ្តាលី ក្នុងអំឡុងដំណើរទស្សនកិច្ចជាផ្លូវការរបស់ឯកឧត្តមនៅរាជធានីភ្នំពេញកាលពីខែកក្កដា ឆ្នាំ២០១២ ត្រូវបានផ្ទេរទៅអង្គការសហប្រជាជាតិរួចហើយ។
សំណួរ-ចម្លើយទាក់ទងនឹងសវនាការលើស្ថានភាពកាយសម្បទានិងបញ្ញាស្មារតីរបស់ អៀង ធីរិទ្ធ ក្នុងការចូលរួមការជំនុំជម្រះ
បន្ទាប់ពីបានផ្តល់សេវាព្យាបាលដល់ អៀង ធីរិទ្ធ អង្គជំនុំជម្រះសាលាដំបូងនឹងបើកសវនាការនៅថ្ងៃទី៣០ និង ៣១ ខែសីហា ឆ្នាំ២០១២នេះ ដើម្បីស្តាប់ការវាយតម្លៃរបស់អ្នកជំនាញវេជ្ជសាស្រ្តលើស្ថានភាពកាយសម្បទានិងបញ្ញាស្មារតីរបស់ អៀង ធីរិទ្ធ ក្នុងការចូលរួមការជំនុំជម្រះ។ ខាងក្រោមនេះគឺជាចម្លើយតបទៅនឹងសំណួរមួយចំនួនពាក់ព័ន្ធនឹងសវនាការលើស្ថានភាពកាយសម្បទានិងបញ្ញាស្មារតីរបស់ អៀង ធីរិទ្ធ ក្នុងការចូលរួមសវនាការ។
អង្គភាពគាំពារជនរងគ្រោះនឹងរៀបចំវេទិកាថ្នាក់តំបន់លើកទី៣ ឆ្នាំ២០១២ នៅខេត្តសៀមរាប សម្រាប់ដើមបណ្តឹងរដ្ឋប្បវេណីនៃសំណុំរឿង ០០២
អង្គភាពគាំពារជនរងគ្រោះនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងរៀបចំវេទិកាថ្នាក់តំបន់លើកទី៣ ក្នុងឆ្នាំ២០១២នេះ នៅខេត្តសៀមរាប សម្រាប់ដើមបណ្តឹងរដ្ឋប្បវេណីចំនួន ២០០ នាក់ ក្នុងចំណោមដើមបណ្តឹងរដ្ឋប្បវេណីចំនួន ៣៨៦៤នាក់ នៃសំណុំរឿង០០២។ វេទិកាថ្នាក់តំបន់នេះនឹងធ្វើនៅសណ្ឋាគារ អលសិនអង្គរប៉ារ៉ាឌី នៅថ្ងៃសៅរ៍ ទី២៥ ខែសីហា ឆ្នាំ២០១២ វេលាម៉ោង ៨:០០ព្រឹក ដល់ ម៉ោង ៤:០០ រសៀល។ (អត្តសញ្ញាណរបស់ដើមបណ្តឹងរដ្ឋប្បវេណីនឹងត្រូវបានរក្សាជាសម្ងាត់) ។